الماتى وبلىسىنىڭ تالعار اۋدانىندا پوليتسەيلەر بٸرنەشە اۋىلدا ٷي توناعان كٷدٸكتٸنٸ ۇستادى, - دەپ حابارلايدى "ۇلت اقپارات".
الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, تالعار اۋدانى كەڭدالا, اقتاس, بەساعاش جەنە اۆات اۋىلدارىنىڭ اۋماعىندا وسى جىلدىڭ تامىز – قىركٷيەك ايلارىندا جەكە مەنشٸك ٷيلەردە 9 ۇرلىق دەرەگٸ تٸركەلگەن. تاعى ەكەۋٸ اقپان جەنە ماۋسىم ايلارىندا جاسالعان. قىلمىس جاساۋ تەسٸلٸ مەن ۇرلانعان قۇندىلىقتارعا سەيكەس, تەرتٸپ ساقشىلارى ولاردى بٸر ادام جاساعان دەگەن قورىتىندىعا كەلدٸ.
«نەگٸزٸنەن, جەڭٸل اقشانى جاقسى كٶرەتٸن ازاماتتىڭ ٷيگە ەنۋدەگٸ ەدٸسٸ- تەرەزە ارقىلى بولعان. الايدا كەي جاعدايلاردا ول اشىق ەسٸكتەر ارقىلى دا ٷيلەرگە كٸرگەن. ول بارلىق قۇندى زاتتاردى, اقشا, التىن بۇيىمدار, تەلەديدارلار, سپيرتتٸك ٶنٸمدەر, تاماق ٶنٸمدەرٸن جەنە تەلەفونداردى قولدى قىلعان. ۇرلانعان بۇيىمداردىڭ قاتارىندا دەنەكەرلەۋ اپپاراتى دا بار»,-دەيدٸ تالعار اپب باستىعىنىڭ ورىنباسارى پوليتسييا پولكوۆنيگٸ اندرەي بۋريانسكيي.
تەرتٸپ ساقشىلارى ەڭبەكشٸقازاق اۋدانىنىڭ 41 جاستاعى, بۇرىن بٸرنەشە رەت سوتتالعان, ەش جەردە جۇمىس ٸستەمەيتٸن تۇرعىنىنىڭ ٸزٸنە تٷستٸ. نەتيجەسٸندە كٷدٸكتٸ ۇستالىپ, ول ٶز كٸنەسٸن تولىق مويىندادى. ۇرلانعان زاتتاردىڭ بٸر بٶلٸگٸ زاڭدى يەلەرٸنە قايتارىلدى. كەيبٸر قۇندى بۇيىمدار تابىلمادى. بٸراق ولاردى ساتىپ العان كۋەگەرلەردٸڭ ايعاقتارى بار. اينالاسىنداعى اۋىلداردىڭ تۇرعىندارىنا تىنىشتىق بەرمەگەن ۇرىنى قۇرىقتاعان ٷشٸن جەبٸرلەنۋشٸلەر پوليتسەيلەرگە شىن جٷرەكتەن العىستارىن بٸلدٸردٸ. كٷدٸكتٸ ۇستالعاننان كەيٸن ۇرلىق سانى كٷرت ازايعان.
«جەكە باسىن, سوتتىلىعىنىڭ بولۋىن, جاسالعان قىلمىستاردىڭ سانىن, كەلتٸرٸلگەن زالالدىڭ ٶتەلمەۋٸن ەسكەرە وتىرىپ, كٷدٸكتٸگە سوتقا دەيٸنگٸ تەرگەپ-تەكسەرۋ كەزەڭٸندە كٷزەتپەن ۇستاۋ تٷرٸندەگٸ بۇلتارتپاۋ شاراسى تاڭدالدى. ونىڭ باسقا دا وسىعان ۇقساس اشىلماعان قىلمىستارعا قاتىستىلىعىن تەكسەرۋ بويىنشا جۇمىستار جالعاسۋدا», - دەپ تولىقتىردى پوليتسييا پولكوۆنيگٸ اندرەي بۋريانسكيي.
