بٷگٸن الماتى وبلىسىندا كوروناۆيرۋس ينفەكتسيياسىنان 9 ادام ەمدەلٸپ شىقتى. ونىڭ ٸشٸندە بەس بالا - 2 مەن 10 جاس ارالىعىندا, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
جازىلىپ شىققان پاتسيەنتتەردٸڭ بٸرٸ كەربۇلاق اۋدانىنىڭ تۇرعىنى. ەلدٸمەكەننٸڭ 34 جاستاعى تۇرعىنى, جٷكتٸ ەيەل ٷش بالاسىمەن ٸندەتتەن ساۋىقتى. سونداي اق ەڭبەكشٸقازاق اۋدانىنىڭ 22 جەنە 29 جاستاعى اعايىندى تۇرعىندارى دا كوروناۆيرۋستان جازىلدى.
سونىمەن قاتار, ەمدەلگەندەر قاتارىندا 29 جاستاعى كەلٸنشەك پەن بٸر وتباسىنىڭ ەكٸ بالاسى دا بار. ولار ەڭبەكشٸقازاق اۋدانارالىق كٶپسالالى اۋرۋحانادا 16 سەۋٸردەن باستاپ ەم العان بولاتىن.
ەڭبەكشٸقازاق اۋدانارالىق كٶپسالالى اۋرۋحانانىڭ باس دەرٸگەرٸ جەميلا ەبەۋوۆا جٷكتٸ ەيەلدٸڭ جاعدايى ورتاشا اۋىر بولعانىن ايتادى.
«34 جاستاعى جٷكتٸ ەيەل اۋرۋحاناعا پنەۆمونييا دياگنوزىمەن تٷسكەن ەدٸ. جاعدايى ورتاشا اۋىر بولدى. دەرٸگەرلەر جٷكتٸ ەيەلدٸ قاتاڭ باقىلاۋدا ۇستادى. جٷكتٸ ەيەلدٸڭ ٷش بالاسىنان كوروناۆيرۋس ەكٸ كٷننەن كەيٸن انىقتالدى. بالالارعا بەلگٸلٸ الگوريتم بويىنشا ەم جٷرگٸزٸلدٸ. ەڭبەكشٸقازاق اۋدانىنان تٸركەلگەن ەكٸ بالا دا بٸر وتباسىنىڭ بالالارى. قازٸرگٸ ۋاقىتتا بارلىعىنىڭ دەنساۋلىعى جاقسى. الاڭداۋعا ەش نەگٸز جوق», - دەدٸ باس دەرٸگەر.
ەڭبەكشٸقازاق اۋدانارالىق كٶپسالالى اۋرۋحانادا ەمدەلگەن 9 پاتسيەنتكە 3 مامىر كٷنگٸ جاسالعان قايتا تالداۋ نەتيجەسٸ تەرٸس ەكەنٸن كٶرسەتتٸ.
جالپى, الماتى وبلىسىندا كوروناۆيرۋستان جازىلعان ادامداردىڭ سانى 39-عا جەتتٸ.
