© Photo : Telegram/ALMATY_KRIS_P
الماتى وبلىسى بورالداي اۋىلىندا BMW X5 اۆتوكٶلٸگٸ جەر ٷيگە جاپسارلاس سالىنعان ورىن-جايدىڭ شاتىرىنا قۇلاپ, ەلەكتر باعاناسىن قيراتتى, دەپ حابارلايدى Sputnik قازاقستان اگەنتتٸگٸ.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ اقپاراتىنشا, جول اپاتى ٸلە اۋدانى بورالداي اۋىلىندا 23-ٸنەن 24 مامىرعا قاراعان تٷنٸ بولعان.
"BMW X5" كٶلٸگٸن ايداعان 29 جاستاعى جەرگٸلٸكتٸ تۇرعىن رٶلگە يە بولا الماي, جولدان ۇشىپ كەتكەن. سٶيتٸپ جەر ٷيگە جاپسارلاس سالىنعان نىساننىڭ شاتىرىنا قۇلاعان. گاز قۇبىرى اركاسىنا زاقىم كەلٸپ, ەلەكتر باعاناسى قۇلادى.
جٷرگٸزۋشٸ جەڭٸل جاراقات الدى, اۋرۋحاناعا جاتۋدان باس تارتتى. باسقا زارداپ شەككەندەر جوق.
"مەملەكەت پەن 40 جاستاعى ٷي يەسٸنە كەلتٸرٸلگەن شىعىن ەسەپتەلٸپ جاتىر. بۇعان قوسا, جول اپاتى سالدارىنان گاز شىققان جوق. ەلەكتر ەنەرگيياسى بەرٸلدٸ", - دەلٸنگەن حابارلامادا.
جٷرگٸزۋشٸگە قاتىستى ەكٸمشٸلٸك ٸس قوزعالدى. سوت جاقىن ارادا جينالعان ماتەريالدى قارايدى.
