© Sputnik / سەرگەي مالگاۆكو
الماتى وبلىسىنىڭ قاينازار اۋىلىندا ەلەكتر جارىعى جيٸ ٶشٸپ قالادى. جەل تۇرسا بولدى, تۇرعىنداردىڭ مازاسى كەتەدٸ, دەپ حابارلايدى Sputnik قازاقستان.
"كەشە ەلەكتر جارىعى 5 رەت ٶشتٸ. ساقالىمدى الىپ تۇرعان ەدٸم. سول كٷيٸ الا المادىم. بەرەدٸ, ٶشٸرەدٸ. بوران بولسا بٸر سەرٸ. ٶتە جيٸ ٶشٸرەدٸ. ٶشپەگەننٸڭ ٶزٸندە قۋاتى ٶتە ەلسٸز. ٷي قاراڭعى", - دەيدٸ ومارقاجى شاقاەۆ.
قاينازار – جامبىل اۋدانىنداعى جارتى عاسىردان استام تاريحى بار اۋىل. بۇرىن شاعىن بولعانىمەن قازٸر ٸرگەسٸ كەڭٸگەن, 6500 ادام تۇرادى. قونىستانۋشىلار كٶپ.
"جاڭا قونىستانىپ جاتقان جاقتا تسەمەنت باعانالار ورناتىلعان. ال مىنا ەسكٸ قاينازاردا ەلەكتر باعانالارى مەن سىمدار 1968 جىلدان بەرٸ جاڭارتىلماعان. تٸپتٸ ەلەكتر سىمدارى دا جيٸ ٷزٸلەدٸ. ماماندار ونى جالعاۋمەن عانا كەلەدٸ", - دەيدٸ كەڭشٸلٸك وماروۆ (اتى-جٶنٸ ٶزگەرتٸلدٸ).
ال اۋىل ەكٸمٸنٸڭ ۋەجٸ مٷلدەم باسقا. ايتۋىنشا, ەلەكتر جارىعى كٷنٸنە 5 رەت ٶشپەيدٸ. اپاتتىق جاعداي بولعان كەزدە جٶندەۋ جۇمىستارى ۋاقىتىلى جٷرگٸزٸلەدٸ.
"ال ەلەكترشٸلەر اعاش كەسەتٸن كەزدە نەمەسە جٶندەۋ جۇمىستارىنا باينالىستى ٶشٸرەتٸن بولسا, ەكٸمشٸلٸك تاراپىنان حالىققا ەلەۋمەتتٸك جەلٸ جەنە اۋىلدىڭ ۆاتساپ چاتتارى ارقىلى حابارلاندىرۋ بەرٸلٸپ وتىرادى", - دەيدٸ قاينازار اۋىلىنىڭ ەكٸمٸ نۇرجان قاناعاتۇلى.
جەرگٸلٸكتٸ بيلٸكتٸڭ ايتۋىنشا, ەلەكتر باعاندارىن جاڭارتۋ ٷشٸن قاراجات بٶلٸنگەن, جوبالىق سمەتالىق قۇجاتتارى دايىن. 2023 جىلدىڭ باسىنان اتالعان جوبا جٷزەگە اسا باستايدى.
