فوتو: © Sputnik / ابزال كاليەۆ
الماتى وبلىسى قاراساي اۋدانىنىڭ ەكٸمٸ سىبايلاس جەمقورلىققا قارسى زاڭنامانى بۇزعانى ٷشٸن جاۋاپقا تارتىلدى, دەپ حابارلايدى "ۇلت اقپارات" وبلىستىق سىبايلاس جەمقورلىققا قارسى قىزمەتتٸڭ باسپاسٶز قىزمەتٸنە سٸلتەمە جاساپ.
"مونيتورينگ بارىسىندا ەكٸمنٸڭ اكتيۆتەر مەن مٸندەتتەمەلەر تۋرالى دەكلاراتسييالاردى ۇسىنباعان ٷمٸتكەردٸ قاراساي اۋدانى كەسٸپكەرلٸك بٶلٸمٸ باسشىسىنىڭ مٸندەتٸن اتقارۋشى لاۋازىمىنا تاعايىنداعانى انىقتالدى.
بٶلٸم باسشىسى - مەملەكەتتٸك فۋنكتسييالاردى ورىنداۋعا ۋەكٸلەتتٸ تۇلعا. سوندىقتان بۇل قر ەقبتك-نٸڭ 680-بابىندا كٶزدەلگەن تالاپتاردى بۇزۋ بولىپ تابىلادى ("مەملەكەتتٸك ورگاندار باسشىلارىنىڭ سىبايلاس جەمقورلىققا قارسى ٸس-قيمىل جٶنٸندەگٸ شارالاردى قابىلداماۋى").
اتالعان تۇلعاعا قاتىستى ەكٸمشٸلٸك حاتتاما تولتىرىلدى. ٸستٸ قاراۋ بارىسىندا ەكٸم كٸنەسٸن تولىق مويىندادى" - دەلٸنگەن حابارلامادا.
انتيكور مەلٸمەتٸنشە, ەكٸمگە 50 مرپ كٶلەمٸندە ايىپپۇل سالىنعان.
