الماتى وبلىسىنىڭ پانفيلوۆ اۋداندىق پەرزەنتحاناسىندا انا مەن بالا كٶز جۇمدى. 24 جاستاعى جانار باراتوۆا ٷشٸنشٸ بالاسىن بوسانۋى تيٸس بولعان, دەپ حابارلايدى قازاقپارات.
بٸر اپتا بۇرىن سەبيدٸ جەرلەگەن وتباسى, ەندٸ جاناردى جەر قوينىنا تاپسىردى. ولاردىڭ سٶزٸنشە, 12 كٷن بۇرىن جاناردىڭ ٸشٸ ٶتٸپ, ينفەكتسييالىق اۋرۋحاناعا تٷسكەن. اي كٷنٸ تولعان ەيەلگە بٸر كٷندە 9 سيستەما سالىنعانى ايتىلۋدا.
«ينفەكتسييالىق اۋرۋحاناعا جاتقىزدى, سول كٷنٸ 9 سيستەما سالدى. 9 سيستەمانى ەيەلٸم كٶتەرە الماي, اۋىرىپ, پەرزەنتحاناعا تٷسەدٸ. ول كەزدە اي كٷنٸ تولىپ تۇرعان كەز. پەرزەنتحاناعا تٷسكٸ بٸر مەن ٷشتٸڭ اراسىندا تٷسكەن. تٷنگٸ ساعات ون ەكٸگە دەيٸن وعان ەشبٸر دەرٸگەر كٶز قىرىن سالماعان. تٷنگٸ ون ەكٸدەن وتىز مينۋت كەتكەندە ەيەلٸمنٸڭ جاتىرىنان سۋى كەتٸپ, بالانىڭ جٷرەگٸ توقتاعان», – دەدٸ مارقۇمنىڭ جولداسى بەيٸمبەت مۇرات.
سەبي دٷنيەگە ٶلٸ كەلگەن.
ج.باراتوۆانىڭ جولداسىنىڭ سٶزٸنشە, قان توقتاماعاننان دەرٸگەرلەر ەشبٸر تۋىسىنىڭ رۇقساتىنسىز جاتىرىن الىپ تاستاعان. بٸراق, قان كەتۋ سوندا دا تىيىلماعان. بەيٸمبەت مۇرات ەشبٸر ساقتاۋ تالابىن بٸلمەسە دە, الماتىداعى قان ورتالىعىنان قان تاسىعانىن جەتكٸزدٸ.
دەرٸگەرلەردٸڭ ايتۋىنشا, ەيەلدٸڭ اسقازانىنداعى جارا جارىلىپ, قان كەتكەن. الايدا, پاتالوگواناتومداردىڭ ساراپتاما نەتيجەسٸ ونى جوققا شىعارعان.
«ساراپتاما قورىتىندىسى بويىنشا, اسقازانىندا جارا جوق», - دەيدٸ مارقۇمنىڭ جولداسى.
ال دەرٸگەر جاناردىڭ ٶلٸمٸنە قان كەتۋ سەبەپ بولعانىن ايتۋدا.
«بوسانعاننان كەيٸن قان كەتۋ باستالدى. اسقازانىنان, ٸشٸنەن كەتتٸ. قان كەتۋ كوروناۆيرۋسقا دا بايلانىستى بولۋى مٷمكٸن», - دەيدٸ «پانفيلوۆ اۋدانارالىق كٶپسالالى اۋرۋحاناسى» كمك ديرەكتورىنىڭ انا مەن بالانى قورعاۋ جٶنٸندەگٸ ورىنباسارى گاۋھار بايداحانوۆا.
قارا جامىلعان جانۇيا ەگەر كەلٸنشەك كوروناۆيرۋستان قايتىس بولسا, ول نەلٸكتەن سانيتارلىق تالاپ بويىنشا جەرلەنبەگەنٸن تٷسٸنبەي دال.
اق حالاتتى مامان بۇل جايت بويىنشا پٸكٸر بٸلدٸرە المايتىنىن جەتكٸزدٸ.
