الماتى وبلىسىندا بارىمتاشى 31 جىلقىنى ايداپ ەكەتٸپ بارا جاتقان جەرٸنەن ۇستالدى. 25 جاستاعى كٷدٸكتٸ بۇعان دەيٸن دە مال ۇرلاپ سوتتالعان بولىپ شىقتى, دەپ حابارلايدى قازاقپارات.
«19 تامىز كٷنٸ پوليتسەيلەر بارىمتاشىنى كٶكسۋ ٶزەنٸنەن ٶتەتٸن اسپالى كٶپٸر ماڭىندا 31 جىلقىنى ٶتكٸزٸپ جاتقان كەزدە قولعا تٷسٸرگەن. ەڭ قىزىعى, تەرتٸپ ساقشىلارى كٷدٸكتٸنٸ مالدىڭ يەسٸ ارىزدانباي جاتىپ قولعا تٷسٸرگەن. تالعار اۋدانىنىڭ تۇرعىنى كەربۇلاق اۋدانىنداعى جايىلىم جەرٸنەن 34 جىلقىم ۇرلاندى دەپ جەرگٸلٸكتٸ پوليتسييا بٶلٸمٸنە 20 تامىزدا ارىزدانىپ كەلگەن. الايدا دەل سول سەتتە ونىڭ مالى قاۋٸپسٸز جەردە تۇرعانىن بٸر-اق بٸلگەن», - دەدٸ الماتى وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن.
قۋانىشى قوينىنا سىيماعان مال يەسٸ وبلىستىق پوليتسييا دەپارتامەنتٸنە جەدەل ەرەكەتٸ ٷشٸن العىس بٸلدٸردٸ.
ال مالدى ۇرلاعان كٷدٸكتٸ تەرگەۋ بارىسىندا العاشقى تٷسٸنٸكتەمەسٸن بەرە باستادى. ونىڭ ايتۋىنشا, سارىبۇلاق اۋىلىنىڭ ەكٸنشٸ فەرماسىنىڭ ماڭىندا يەسٸز جايىلىپ جٷرگەن بٸر ٷيٸر جىلقىنى بايقاپ قالعان. 34 باستى ول ٷش تەۋلٸك بويى ٶزٸنٸڭ تۇرعىلىقتى جەرٸ كٶكسۋ اۋىلىنا قاراي ايداعان. جول-جٶنەكەي 3 جىلقى ٷيٸردەن قالىپ قالعان, دەيدٸ كٷدٸكتٸ. قازٸرگٸ تاڭدا كٷدٸكتٸ قاماۋعا الىنىپ قر قك 188 بابى, 4-شٸ بٶلٸگٸ, 3-شٸ تارماعى بويىنشا سوت الدى تەرگەۋ جۇمىستارى جالعاسۋدا.
