فوتو: © Sputnik / كامشات ابديرايىم
الماتىدا "سارىارقا" جەنە "باۋىرجان مومىشۇلى" مەترو ستانتسييالارى ٸسكە قوسىلدى, - دەپ حابارلايدى Tengrinews.kz.
سالتاناتتى اشىلۋ 30 مامىر كٷنٸ ٶتتٸ. جاڭا ستانتسييالار قازٸرگٸ قىزمەت كٶرسەتٸپ تۇرعان توعىز ستانتسييانىڭ جالعاسى رەتٸندە قالا ورتالىعىن جاتىن اۋداندارمەن بايلانىستىرادى.
ەكٸ جاڭا ستانتسييا ٸسكە قوسىلعالى مەترو جەلٸسٸنٸڭ جالپى ۇزىندىعى 3,1 شاقىرىمعا ۇزارىپ, ەندٸ 13,4 شاقىرىمدى قۇرايتىن بولدى. جەلٸ بويىنا 7-10 مينۋت سايىن جٷرەتٸن تٶرت ۆاگوندى 15 ەلەكتر پويىزىن جٸبەرۋ جوسپارلانىپ وتىر.
قازٸرگٸ تاڭدا مەترو كٷنٸنە 45 مىڭعا جۋىق جولاۋشى تاسىمالدايدى. جاڭا ستانتسييالار ٸسكە قوسىلعاننان كەيٸن بۇل كٶرسەتكٸش كٷنٸنە 85 مىڭ جولاۋشىعا دەيٸن ٶسەدٸ دەپ جوسپارلانىپ وتىر.
"مەسكەۋدەن" كەيٸنگٸ "سارىارقا" ستانتسيياسى اباي داڭعىلى بويىندا التىنسارين داڭعىلى مەن ساين كٶشەلەرٸنٸڭ ارالىعىندا Family Park ماڭىندا ورنالاسقان. تەرەڭ سالىنعان, ەكٸ كٸرەبەرٸسٸ مەن بٸر ۆەستيبيۋلٸ بار. ستانتسييادا ەكٸ جەدەلساتى مەن سەگٸز ەسكالاتور ورناتىلعان. ينتەرەر جاساۋ كەزٸندەگٸ نەگٸزگٸ يدەيا - سارىارقانىڭ شەكسٸز كەڭ دالاسىنىڭ ەسەمدٸگٸن كٶرسەتۋ. قابىرعالارى مەرمەر تاستاردان قۇراستىرىلىپ, گرانيتپەن ٶرنەكتەلگەن. شەتكٸ جاعىنداعى قابىرعادا جازىق دالانىڭ ٷستٸنەن شىعىپ كەلە جاتقان كٷن, ونىڭ بەرگٸ جاعىندا قازاقستان استاناسى بەينەسٸ ماڭىندا شاۋىپ كەلە جاتقان جٷيرٸك اتتار بەينەلەنگەن پاننو ورناتىلعان.
"باۋىرجان مومىشۇلى" ستانتسيياسى اباي داڭعىلى بويىندا مومىشۇلى كٶشەسٸنٸڭ باتىسىندا ورنالاسقان. تاياز ورنالاسقان, ەكٸ ۆەستيبيۋل مەن التى كٸرەبەرٸسٸ بار. ستانتسييادا التى جەدەلساتى مەن ون بەس ەسكالاتور ورناتىلعان. پلاتفورما ۇزىندىعى 108 مەتر الماتى مەترو جەلٸسٸنٸڭ ون بٸرٸنشٸ ستانتسيياسى ەزٸرگە سوڭعى ستانتسييا بولىپ سانالادى.
ستانتسييا ٷلكەن تۇرعىن الابىنىڭ ورتاسىندا ورنالاسقان. قابىرعالار مەن تٸرەۋٸشتەردٸ بەزەندٸرۋ ٷشٸن اشىق رەڭكتٸ مارجان-سۇر تٷستٸ اعاش تەكتەس كەراميكالىق پانەلدەر, ال ەدەندٸ قاپتاۋعا - اشىق سۇر تٷستٸ تابيعي گرانيت پايدالانىلعان.
بولاشاقتا "قالقامان" ستانتسيياسى قۇرىلىسىن اياقتاپ, مەترونى باتىس باعىتتا "بارلىق" بازارىنا دەيٸن دامىتۋ جوسپارلانعان.
