الماتىدا قازاقستاندىق تانىمال سپورتشى دەنيس تەندٸ اقتىق ساپارعا شىعارىپ سالدى. قىلمىسكەر پىشاعىنان اجال قۇشقان ٶنەرلٸ جٸگٸتپەن قوشتاسۋعا الماتى مەن استاناداعى قارالى جيىندارعا مىڭداعان ادام جينالدى.
دەنيس تەنمەن قوشتاسۋ رەسٸمٸ ٶتكەن الماتىداعى بالۋان شولاق اتىنداعى سپورت سارايىنا سەنبٸ كٷنٸ كەلگەن ادامداردىڭ قاراسى كٶپ بولدى. جينالعانداردىڭ اراسىندا قازاقستاننىڭ سپورت, مەدەنيەت جەنە ٶنەر قايراتكەرلەرٸ, مارقۇمنىڭ دوس-جاراندارى, رەسمي تۇلعالار, باق ٶكٸلدەرٸ مەن قاراپايىم ادامدار بار.
ولار الماتىنىڭ ورتالىعىندا قىلمىسكەر پىشاعىنان 25 جاسىندا قاپىدا قازا تاپقان ٶنەرلٸ جٸگٸتتٸڭ تۋعان-تۋىستارىنا كٶڭٸل ايتىپ, تابىت الدىنا گٷل قويىپ, مارقۇمعا سوڭعى رەت قۇرمەت كٶرسەتتٸ.
بالۋان شولاق اتىنداعى سپورت سارايىندا ٶتكەن قارالى جيىندى الماتى قالاسى قوعامدىق كەڭەسٸنٸڭ تٶراعاسى راحمان الشانوۆ جٷرگٸزدٸ. مەدەنيەت جەنە سپورت مينيسترٸ ارىستانبەك مۇحامەديۇلى قازاقستاندىق تانىمال سپورتشى دەنيس تەننٸڭ مەزگٸلسٸز قازاسىنا بايلانىستى قازاقستان پرەزيدەنتٸ نۇرسۇلتان نازارباەۆتىڭ جولداعان كٶڭٸل ايتۋ جەدەلحاتىن وقىپ بەردٸ.
بۇدان سوڭ ازا تۇتۋ جيىنىندا سٶيلەگەن الماتى قالاسى ەكٸمٸنٸڭ ورىنباسارى سۇلتانبەك مەكەجانوۆ, وليمپيادا چەمپيونى اتانعان قازاقستاندىق سپورت جۇلدىزدارى جاقسىلىق ٷشكەمپٸروۆ پەن سەرٸك سەپيەۆ, دميتريي بالاندين, قازاقستان ۇلتتىق كونكيشٸلەر فەدەراتسيياسىنىڭ جەتەكشٸسٸ بولات جەمٸشەۆتەر, تانىمال تەننيسشٸ زارينا ديياس سەكٸلدٸ تۇلعالار دەنيس تەننٸڭ قازاقستان سپورتىنا قوسقان ٷلەسٸ مەن جارقىن بەينەسٸ حالىنىڭ جادىندا مەڭگٸ قالاتىنىن ايتتى.
الماتىداعى دەنيس تەنمەن قوشتاسۋ رەسٸمٸنە لوس-اندجەلەستەن ارنايى بەلگٸلٸ قازاقستاندىق كەسٸپقوي بوكسشى گەنناديي گولوۆكين دە كەلدٸ. گەنناديي گولوۆكين وسى شارا ٷشٸن ساۋل الۆارەسپەن بولاتىن كەزدەسۋٸنە دايىندىقتى تاستاپ شىققان.
استانا قالاسىندا ازالى شارا "بارىس-ارەنا" سپورت كەشەنٸندە ٶتتٸ. وعان قازاقستاندىق تانىمال سپورتشىلار, دەپۋتاتتار مەن شەنەۋنٸكتەر, قاراپايىم ازاماتتار جينالدى.
قوشتاسۋ رەسٸمٸ "بارىس ارەنادا" ساعات وندا باستالدى. قارالى جيىنعا استانا ەكٸمٸنٸڭ ورىنباسارى ەرمەك امانشاەۆ, اقپارات جەنە كوممۋنيكاتسييالار مينيسترٸ دەۋرەن اباەۆ, بوكشى دانييار ەلەۋسٸنوۆ, كورەيا مەن جاپونييا ەلشٸلەرٸ قاتىستى.
امانشاەۆ استانا ەكٸمدٸگٸ اتىنان دەنيس تەننٸڭ اتا-انالارىنا, جاقىندارى مەن تۋعاندارىنا كٶڭٸل ايتتى.
"دەنيس باۋىرىمنىڭ قازاقستان سپورتىندا ورنى دا جٶنٸ دە بٶلەك. جاس بولعانىمەن قاراماستان, حالىقارالىق تۋرنيرلەردٸڭ العاشقى جالعىز جٷلدەگەرٸ بولدى. ٶتە تالانتتى سپورتشى, ەلەمدٸك مەنەرلەپ سىرعاناۋدىڭ جۇلدىزى بولاتىن. ونىڭ ورنى ەردايىم ويسىراپ تۇرادى. جاتقان جەرٸ جايلى, توپىراعى تورقا بولسىن", — دەدٸ ەكٸم ورىنباسارى.
"وسىنداي قايعىلى كٷندە سٶز تاۋىپ ايتۋ قيىن. ەڭ الدىمەن, اتا-اناسىنا, جاقىندارىنا قايعىرىپ كٶڭٸل ايتامىن. بۇل تراگەدييا بەرٸمٸزگە ساباق…كەشٸر جەنە قوش بول, دەنيس", — دەدٸ مينيستر اباەۆ.
«اجال ايتىپ كەلمەيدٸ دەگەن قازاقتىڭ سٶزٸ بار. بٸز دەنيستٸ قورعاي المادىق, ساقتاي المادىق. قانٸشەرلەر ۇستالعانىمەن, سٷيٸكتٸ ۇلىمىز دەنيس ارامىزعا قايتىپ كەلمەيدٸ. دەنيس سپورتتىق جەتٸستٸكتەرٸمەن عانا ەمەس, ادامي قاسيەتتەرٸمەن, ٶزٸنٸڭ كٸشٸپەيٸلدٸلٸگٸمەن, كٶپشٸلدٸگٸمەن بارشامىزدىڭ جٷرەگٸمٸزدەن ورىن الدى. جاتقان جەرٸ جايلى بولسىن», - دەپ كٶڭٸل ايتتى قازاقستاندىق سپورت كوممەنتاتورى دياس احمەتشەرٸپ.
قوشتاسۋ رەسٸمٸنە كەلگەندەر سپورتشىنىڭ سۋرەتٸ بەينەلەنگەن باننەر الدىنا گٷل شوقتارىن قويىپ, سپورتشىنى بٸر مينۋت ٷنسٸزدٸكپەن ەسكە الدى.
قىرشىن كەتكەن جاس الماتىدا 1993 جىلى 13 ماۋسىمدا دٷنيەگە كەلدٸ. ول - كورەيادا جاپون وتارلاۋشىلارىنا قارسى سوعىسقان گەنەرال مين گىن حونىڭ ۇرپاعى. دەنيس تەن بالالىق شاعىندا مۋزىكا, تەننيس, اكروباتيكا, كاراتە, سۋدا جٷزۋمەن اينالىسىپ, تٷپتەپ كەلگەندە, مەنەرلەپ سىرعاناۋدى تاڭدادى.
دەنيس تەن قازاقستاننىڭ مەنەرلەپ سىرعاناۋ سپورتى تاريحىندا جاڭا پاراقتار جازدى. لوس-اندجەلەستە ٶتكەن 2009 جىلعى ەلەم چەمپيوناتىندا ٷزدٸك وندىقتىڭ قاتارىنا ەنٸپ, سەگٸزٸنشٸ ورىنعا يە بولدى. وسىلايشا ول ۆانكۋۆەر وليمپياداسىنا قازاقستانعا قوس بٸردەي جولداما الىپ بەردٸ. 2010 جىلعى وليمپيادادا ەڭ جاس قاتىسۋشى بولعانىنا قاراماستان, 11-ٸنشٸ ورىننان كٶرٸندٸ. بۇل الداعى جارقىن جەڭٸستەردٸڭ باسى ەدٸ.
2011 جىلدىڭ اقپانىندا قازاقستاندا ٶتكەن Vٸٸ قىسقى ازييا ويىندارىندا دەنيس تەن التىن جٷلدەنٸ جەڭٸپ الدى. ەكٸ جىلدان كەيٸن كانادادا ٶتكەن ەلەم چەمپيوناتىندا د.تەن ٶزٸنٸڭ جەكە رەكوردى - 266,48 بالعا قول جەتكٸزدٸ. ەركٸن باعدارلامادا ٷزدٸك شىققان ول قورىتىندىدا كانادالىق پاتريك چاننان نەبەرٸ 1,3 بالعا قالىپ قويىپ, كٷمٸس جٷلدەنٸ ەنشٸلەدٸ. سٶيتٸپ قازاقستاندىق مەنەرلەپ سىرعاناۋشىلار اراسىندا العاش رەت ەلەم چەمپيوناتىنىڭ جٷلدەگەرٸ اتاندى. دەنيستٸڭ سپورتتىق جولىنداعى باستى جەتٸستٸگٸ, ەرينە, سوچي وليمپياداسىنداعى قولا مەدال ەدٸ.
بۇل سول دوداداعى قازاقستان قورجىنىنداعى جالعىز جٷلدە بولاتىن ەرٸ تەۋەلسٸز ەل تاريحىندا مەنەرلەپ سىرعاناۋدان الىنعان بٸرٸنشٸ مەدال ەدٸ. «قۇرمەت» وردەنٸنٸڭ جەنە مەملەكەتتٸك «دارىن» جاستار سىيلىعىنىڭ يەگەرٸ دەنيس تەننٸڭ بۇدان باسقا دا تابىستارعا قول جەتكٸزۋٸنە جاراقاتتارى مٷمكٸندٸك بەرمەدٸ. 25 جىل عۇمىرىندا ٶمٸردەن وزعان سپورتشىنىڭ بولاشاعى الدا ەدٸ. قانشا بيٸككە كٶتەرٸلسە دە, ٶزٸنٸڭ كٸشٸپەيٸل مٸنەزٸنەن, سٷيكٸمدٸ قالپىنان تانباي, حالقىنىڭ قوشەمەتٸنە بٶلەنگەن دەنيس تەننٸڭ جارقىن بەينەسٸ ەل جادىنان مەڭگٸ ٶشپەيتٸنٸ انىق.
ايتا كەتسەك, قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن.
2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى.
