الماتىنىڭ باس سانيتارلىق دەرٸگەرٸ جانداربەك بەكشين وقۋشىلارعا وفلاين رەجيمدە وقۋ مٷمكٸندٸگٸن قامتاماسىز ەتۋ ٷشٸن قابىلدانىپ جاتقان شارالار تۋرالى ايتىپ بەردٸ, دەپ حابارلايدى قازاقپارات.
«بٸز مەملەكەت باسشىسىنىڭ وقۋشىلار وفلاين جاعدايدا وقۋى تيٸس دەگەن تاپسىرماسىن ورىنداۋدى كٶزدەپ وتىرمىز. بۇل ٷشٸن وقۋشىلارعا قاۋٸپسٸز جاعداي جاساۋىمىز كەرەك. بٸز وسى باعىتتا جۇمىس ٸستەپ جاتىرمىز», - دەپ اتاپ ٶتتٸ بەكشين ونلاين بريفينگتە.
بەكشين ەڭ الدىمەن, مەگاپوليستٸڭ بارلىق مەكتەپتەرٸنە «Ashyq» جوباسى ەنگٸزٸلٸپ جاتقانىن ايتتى. بۇل كۆي جۇقتىرعان نەمەسە ونىمەن بايلانىستا بولعان ادامداردى وقۋ ورىندارىنا جٸبەرمەۋ ٷشٸن جاسالادى. قازٸرگٸ ۋاقىتتا «اتامەكەن» اۋماقتىق پالاتاسىنىڭ حابارلاۋىنشا, مەكتەپتەر مەن مەكتەپكە دەيٸنگٸ مەكەمەلەردٸڭ 100% QR-كود الدى جەنە 1 قىركٷيەكتەن باستاپ «Ashyq» بويىنشا جۇمىس ٸستەۋگە دايىن.
«ەكٸنشٸ قورعانۋ جەلٸسٸ – وقۋشىلار كٶپ جينالاتىن ورىنداردا, اسحانالاردا, سانيتارلىق توراپتاردا – رەتسيركۋلياتورلار ەنگٸزۋ. بٸز بۇل مەسەلەنٸ مەكتەپ ەكٸمشٸلٸگٸمەن قاراستىرىپ, اتا-انالار كوميتەتتەرٸمەن تالقىلايمىز. ٷشٸنشٸ جولى – سىنىپتاردا اۋانى زارارسىزداندىراتىن دەزوراتورلار ورناتۋعا بولادى. بۇل – جاپوندىق يننوۆاتسييالىق ەزٸرلەمە. اپپاراتتار قازاقستانعا جەتكٸزٸلدٸ. دەزينفەكتسييالاۋشى قۇرال سەرتيفيكاتتالعان, تەكسەرۋدەن ٶتكەن جەنە دەنساۋلىق ساقتاۋ مينيسترلٸگٸنٸڭ سانەپيدباقىلاۋ كوميتەتٸندە تٸركەلگەن. ەگەر بۇل باعدارلاما ماقۇلدانسا, ونى دا ەنگٸزەمٸز», - دەدٸ الماتىنىڭ باس سانيتارلىق دەرٸگەرٸ.
ول قالا وقۋشىلارىن قاۋٸپسٸز وقىتۋدى قامتاماسىز ەتۋ – ۆەدومستۆو جۇمىسىنىڭ باستى باعىتى ەكەنٸن ەرەكشە اتاپ ٶتتٸ.
«بٸز بالالاردى قاۋٸپسٸز جاعدايدا وقىتۋ ٷشٸن مۇقييات دايىندالىپ جاتىرمىز. جاڭا وقۋ جىلىندا ولاردى وفلاين وقىتۋدى قامتاماسىز ەتۋٸمٸز كەرەك. بٸر جىلدان بەرٸ بالالار قاشىقتان وقىپ كەلەدٸ جەنە بۇل, ەرينە بٸلٸم ساپاسىنا ەسەر ەتەدٸ», - دەدٸ بەكشين.
ستۋدەنتتەر بويىنشا بەكشين جوو مەن كوللەدجدەردە وقىتۋشىلارعا ۆاكتسينالاۋ جوعارى دەڭگەيدە جٷرگٸزٸلەتٸنٸن ايتتى. سونداي-اق, جوعارى جەنە ورتا ارناۋلى وقۋ ورىندارىنا «Ashyq» جٷيەسٸن ەنگٸزۋ مەسەلەسٸ قويىلىپ وتىر.
ج.بەكشين ستۋدەنتتەر اراسىندا ۆاكتسينالاۋ بويىنشا تٷسٸندٸرۋ جۇمىستارى جٷرگٸزٸلٸپ جاتقانىن جەتكٸزدٸ.
«ستۋدەنتتەر دە ونلاين وقۋدان شارشادى. بٸراق ولاردى تولىعىمەن قورعاۋ ٷشٸن بارلىق تالاپتاردى ورىنداپ, مەكتەپتەردە عانا ەمەس, قالانىڭ كوللەدجدەرٸ مەن جوو-دا قاۋٸپسٸز بٸلٸم الۋى ٷشٸن جاعداي جاساۋ قاجەت», - دەدٸ الماتىنىڭ باس سانيتارلىق دەرٸگەرٸ.
