الماتى مەكتەپتەرٸندە 1-5 سىنىپتار ارالىعىندا قوسىمشا كەزەكشٸ سىنىپتار اشۋعا تىيىم سالىندى. بۇل تۋرالى الماتى سانيتارييالىق-ەپيدەميولوگييالىق باقىلاۋ دپارتامەنتٸنٸڭ باسشىسى, قالانىڭ باس مەملەكەتتٸك سانيتار دەرٸگەرٸ جانداربەك بەكشين ونلاين بريفينگ بارىسىندا ايتتى, دەپ حابارلايدى قازاقپارات.
ونىڭ ايتۋىنشا, وقۋشىلار اراسىندا ۆيرۋس جۇقتىرۋ كٶرسەتكٸشٸ كٶتەرٸلگەن.
«5 قاڭتارداعى جاعدايعا سەيكەس وقۋشىلار اراسىندا 311 وقۋشىدان كۆي انىقتالعان. ونىڭ ٸشٸندە 15 وقۋشى الماتى ارقىلى ەلدٸڭ باسقا ٶڭٸرلەرٸنە ٶتٸپ بارا جاتقان. ولار جەرگٸلٸكتٸ تۇرعىن ەمەس. قالا وقۋشىلارى اراسىندا 296 جاعداي تٸركەلدٸ. 262 وقۋشى قاشىقتان وقىعان كەزدە جۇقتىرعان. 1-4 سىنىپ ارالىعىندا - 38 وقۋشى, 5-8 سىنىپ ارالىعىندا -40 وقۋشى, 9-12 سىنىپ ارالىعىندا 21 وقۋشى جۇقتىرعان. ياعني, جۇقتىرۋ كٶرسەتكٸشٸ ارتىپ كەلەدٸ», - دەدٸ ول.
بەكشيننٸڭ ايتۋىنشا, ونلاين وقۋدىڭ ارقاسىندا اۋرۋدىڭ جەدەل تارالۋىنىڭ الدى الىندى.
«بٸز 1500 بالانى اۋرۋ جۇقتىرۋدان امان الىپ قالدىق. قالانىڭ باس سانيتارلىق دەرٸگەرٸنٸڭ قاۋلىسىمەن 1-5 سىنىپتار اراسىندا قوسىمشا كەزەكشٸ كلاستار اشۋعا تىيىم سالىندى. ەگەر وسى وقۋشىلار مەكتەپكە بارىپ جٷرسە, 1500 بالا جۇقتىرار ەدٸ. باسقا سىنىپتارعا دا كٶشەتٸن ەدٸ. مۇعالٸمدەر دە اۋىرىپ قالار ەدٸ. سوندىقتان بۇل شەشٸم دۇرىس دەپ سانايمىن»,- دەدٸ ج. بەكشين.
ال 9,11,12 سىنىپ وقۋشىلارىنا - ٷشٸنشٸ توقساننان باستاپ, كوللەدجدٸڭ 1 كۋرس ستۋدەنتتەرٸنە – ەكٸنشٸ سەمەستردەن باستاپ دەستٷرلٸ وقۋ فورماتىنا كٶشۋگە رۇقسات بەرٸلگەن.
«بٷگٸندە جوعارعى سىنىپ وقۋشىلارى اراسىندا كەزەكشٸ سىنىپ اشۋ تۋرالى مەسەلە قوزعالىپ جاتىر. كٷندەلٸكتٸ باقىلاۋعا سەيكەس, 9 سىنىپ اراسىندا – 17 وقۋشى, 11 سىنىپ اراسىندا – 12 وقۋشى, 12 سىنىپ اراسىندا 2 وقۋشى ۆيرۋس جۇقتىرعان. جوعارعى سىنىپ وقۋشىلارى اراسىندا 260 وقۋشىنى اۋرۋ جۇقتىرۋدان الىپ قالدىق», - دەدٸ سپيكەر.
مەكتەپ تٷلەكتەرٸ مەكتەپكە ٶز ەركٸمەن بارادى.
«اتا-انالار بالاسىن مەكتەپكە جٸبەرەمٸن دەپ شەشسە, ساباقتىڭ 70 پايىزى - وفلاين, 30 پايىزى - ونلاين بولماق», - دەدٸ ول.
ەر سىنىپتا 15 وقۋشىدان اسپاۋى شارت.
«قالالىق بٸلٸم باسقارماسى مەكتەپتەردٸ دەزينفەكتسييالاۋ قۇرالدارىمەن قامتيدى. دەلٸزدە توپتاسىپ قالماس ٷشٸن ەر سىنىپ ٷزٸلٸسكە ەر ۋاقىتتا شىعادى. مەكتەپتە ماسكا رەجيمٸ قاتاڭ ساقتالادى», - دەدٸ بەكشين.
