11-16 جەلتوقسان ارالىعىندا تٷركييانىڭ بۋرسا قالاسىنداعى «Tayyare Kültür Merkezi» اتالاتىن مەدەنيەت ورتالىعىندا حح حالىقارالىق «بۋرسا-قاراگٶز» قۋىرشاق جەنە كٶلەڭكەلٸ تەاتر فەستيۆالٸ ٶتتٸ. تٷركييادا 1993 جىلدان بەرٸ ٶتكٸزٸلٸپ كەلە جاتقان بۇل فەستيۆالگە تٷركييادان 14 كەسٸبي قۋىرشاق تەاترى قاتىسسا, شەتەلدەن 3 مەملەكەتتەن فەستيۆالدٸڭ ٸرٸكتەۋ كەزەڭٸنەن سٷرٸنبەي ٶتكەن قۋىرشاق تەاترلارى ارنايى شاقىرتۋ الدى. سونىڭ بٸرٸ - الماتى قالاسى مەدەنيەت باسقارماسىنا قاراستى «مەملەكەتتٸك قۋىرشاق تەاترى».
ەرتٷرلٸ قۋىرشاقتارعا جان بٸتٸرٸپ ويناتا بٸلگەن ارتيستەردٸڭ شەبەرلٸگٸ بۋرسا قالاسىنىڭ كٸشكەنتاي كٶرەرمەندەرٸن اڭ-تاڭ ەتتٸ. الماتى قۋىرشاق تەاترى رەجيسسەرلەر سۇلتانعالي شٷكٸروۆ پەن قۇرالاي ەشمۇراتوۆا جازعان شىعارمانى ساحنالاۋدا تروستى قۋىرشاق, پلانشەتتٸ قۋىرشاق, ماريونەتكا جەنە راستوۆوي قۋىرشاقتاردى قولداندى.
بار كٶرگەن-بٸلگەنٸ, سۇرايتىنى تەلەفون, ەرتەگٸگە سەنبەيتٸن, قۋىرشاقپەن كٶپ ويناي قويمايتىن بٷگٸنگٸنٸڭ بالاسى ٷشٸن تەاتر سوڭعى ايالداما. ەم-دومى دا وسى جەردە. تەاتر بالا ٷشٸن سۇلۋلىق پەن ەستەتيكا باسپالداعى, ال ول قازاق تەاترى بولسا ەكٸ ەسە تەربيە قۇرالى. بٸز قۋىرشاق تەاترىن كٶرمەي, بٸردەن اكادەمييالىق دراما تەاتردىڭ اۋىر قويىلىمدارىن تاماشالاعان ۇرپاقپىز. مٷمكٸندٸگٸ بولا تۇرا, قۋىرشاق تەاترىنىڭ تابالدىرىعىن بٸردە بٸر رەت اتتاماعان بالاعا دراما تەاترلار ٶسكەندە قيياليلاردىڭ مەكەنٸ سيياقتى سەزٸلۋٸ مٷمكٸن. بۋرساداعى قويىلىم بٸتكەن سوڭ مەملەكەتتٸك تەاتردىڭ ارتيستەرٸن ەڭگٸمەگە تارتتىق. 23 جىلدان بەرٸ قۋىرشاق تەاترىندا قىزمەت ەتٸپ كەلە جاتقان «مەدەنيەت سالاسىنىڭ ٷزدٸگٸ» التاي تەۋەكەلوۆتىڭ ايتۋىنشا, ەربٸر اتا-انا بالاسىنىڭ ٸزگٸلٸككە قۇشتار ەرٸ مەيٸرٸمدٸ بولىپ ٶسكەنٸن قالاسا قۋىرشاق تەاترىنا الىپ كەلگەنٸ دۇرىس.
تٷركييا تاراپى ۇيىمداستىرعان قاراگٶز قۋىرشاق فەستيۆالٸنە وسىمەن ەكٸنشٸ رەت قاتىسىپ وتىرعان الماتى قۋىرشاق تەاترى قورجىنىندا وتاندىق جەنە شەتەلدٸك اۆتورلاردىڭ شىعارمالارى بار. بٷگٸندە جاس رەجيسسەرلەردٸڭ تىنىمسىز ٸزدەنٸسٸنٸڭ نەتيجەسٸندە قۋىرشاق تەاترىنىڭ رەپەرتۋارى بالانىڭ وي-ٶرٸسٸن كەڭەيتٸپ, ەرتەگٸ ەلەمٸنە قۇمار, تەاترعا دەگەن قىزىعۋشىلىعىن وياتاتىن قويىلىمدارعا تولى. دارىندى ارتيست التاي باتىربەكۇلىنىڭ سٶزٸنشە, قۋىرشاق تەاترى جىل سايىن ماۋسىماشاردان سوڭ بٸردەن قازاقستاننىڭ اۋىل-ايماقتارىنا گاسترولدٸك ساپارعا اتتانادى. ەلٸمٸزدٸڭ تٷكپٸر-تٷكپٸرٸندە ورنالاسقان مەدەنيەت ٷيلەرٸندە ەلەمگە تانىمال, بالانى قىزىقتىراتىن تەربيەلٸك مەنٸ زور شىعارمالاردى ساحنالايدى.
قۇندىز ەرالى, تٷركييا, بۋرسا قالاسى
