الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باستىعى جانداربەك بەكشين قالالىق قوعامدىق كەڭەسٸنٸڭ وتىرىسىندا ساپاسىز جەكە قورعانىس قۇرالدارىن ساتىپ الۋ وقيعاسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«جەكە قورعانىس قۇرالدارى ٶتكەن جىلى ساتىپ الىنعان. مەن بۇل مەسەلەنٸ بٸردەن كٶتەردٸم. قىركٷيەك ايىندا ساپاسىز مەديتسينالىق كوستيۋمدەر انىقتالعانان كەيٸن مەن سىبايلاس جەمقورلىققا قارسى ٸس-قيمىل دەپارتامەنتٸنە جٷگٸندٸم. كەيٸن ٸستٸ سوت قارادى, بٸراق ٶزدەرٸڭٸز كٶرٸپ وتىرعاندارىڭىزداي, بۇل جەردە كٶپ نەرسە ەسكەرٸلمەگەن. مەن كەشە عانا ەشقانداي زەرتحانالىق زەرتتەۋلەر جٷرگٸزبەي-اق ولاردىڭ قانشالىقتى تيٸمسٸز ەكەنٸن انىق, ايقىن, بەينەلٸ تٷردە كٶرسەتتٸم. يە, بۇل كٸر مەن شاڭنان قورعاۋعا ارنالعان جەكە قورعانىس قۇرالدارى, بٸراق ۆيرۋستان ەمەس», - دەدٸ الماتى قالالىق سانيتارلىق-ەپيدەميولوگييالىق باقىلاۋ دەپارتامەنتٸنٸڭ باستىعى جانداربەك بەكشين.
ەسكە سالايىق, كەشە سىبايلاس جەمقورلىققا قارسى قىزمەت جانىنداعى ارنايى مونيتورينگتٸك توپ الماتىنىڭ باس سانيتار دەرٸگەرٸ جانداربەك بەكشيننٸڭ ٶتٸنٸشٸ بويىنشا قويمادا بٸر جىلعا جۋىق ساقتالعان جەكە قورعانىس قۇرالدارىن تەكسەردٸ.
قويمادا تٷسٸرٸلگەن ۆيدەونى Facebook-تە سىبايلاس جەمقورلىققا قارسى قىزمەت جانىنداعى ارنايى مونيتورينگ توبى تٶراعاسىنىڭ ورىنباسارى رافاەل گاسانوۆ جارييالادى.
تەكسەرۋ بارىسىندا, قويماداعا تاۋارلار 2020 جىلدىڭ ماۋسىم ايىندا رەسپۋبليكالىق بيۋدجەتتەن بٶلٸنگەن اقشاعا ساتىپ الىنعانى انىقتالدى. 90 ملن تەڭگەگە 12 مىڭعا جۋىق كوستيۋم ەكەلٸنگەن. بٸر جيىنتىق 7500 تەڭگە تۇرادى. قازٸر قويمادا 7028 داناسى بار.
بٷگٸن الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى ەسەل قالىقوۆا «ساپاسىز» قورعانىش قۇرالدارىنا قاتىستى پٸكٸر بٸلدٸردٸ.
ونىڭ ايتۋىنشا, جەكە قورعانىش قۇرالدارىن قازاقستان رەسپۋبليكاسىنىڭ قولدانىستاعى مەملەكەتتٸك ساتىپ الۋ زاڭناماسى شەڭبەرٸندە جٷزەگە اسىرىلعان.
