قالا ەكونوميكاسىنا سالىنعان ينۆەستيتسييا كٶلەمٸ كارانتينگە قاراماستان 10 پايىزعا ارتقان. بۇل تۋرالى ونلاين بريفينگ بارىسىندا قالالىق كەسٸپكەرلٸك پەن ينۆەستيتسييالار باسقارماسىنىڭ باسشىسى ەركەبۇلان ورازالين ايتتى, دەپ حابارلايدى "ۇلت اقپارات".
ونىڭ ايتۋىنشا, ساۋدا كٶلەمٸنٸڭ قىسقارۋىنا قاراماستان پاندەمييا كەزٸندە الماتى ينۆەستيتسييالىق تارتىمدىلىعىن جوعالتپاعان.
«جالپى العاندا ساۋدا, قىزمەت كٶرسەتۋ سالاسى ەلسٸرەسە دە ٶنەركەسٸپ بويىنشا قالادا تۇراقتىلىق ساقتالعان. 7 ايدا كٶرسەتكٸش 100,9 %-عا جەتتٸ. قالادا 420 ملرد تەڭگەنٸڭ ٶنٸمٸ ٶندٸرٸلگەن. قالانىڭ ينۆەستيتسييالىق قارقىنى ازايدى دەپايتۋ قيىن. سەبەبٸ 8 ايدا بٸز 500 ملرد تەڭگە جيناپ الدىق», - دەدٸ ە.ورازالين.
سونداي-اق, ول كٶرسەتٸلگەن كەزەڭدە ينۆەستيتسييالار بلوگى بويىنشا ناقتى كٶلەم يندەكسٸ 110% جەتكەنٸن ايتتى.
«ينۆەستورلار كەلٸپ جاتىر. قاراجات سالىپ جاتىر. كارانتين كەزٸندەگٸ اۋىر ەكونوميكالىق احۋالدان شىعۋ ٷشٸن بۇل ٶتە ماڭىزدى», - دەدٸ ورازالين.
