Qala ekonomikasyna salynǵan investitsiia kólemi karantinge qaramastan 10 paiyzǵa artqan. Bul týraly onlain brifing barysynda qalalyq Kásipkerlik pen investitsiialar basqarmasynyń basshysy Erkebulan Orazalin aitty, dep habarlaidy "Ult aqparat".
Onyń aitýynsha, saýda kóleminiń qysqarýyna qaramastan pandemiia kezinde Almaty investitsiialyq tartymdylyǵyn joǵaltpaǵan.
«Jalpy alǵanda saýda, qyzmet kórsetý salasy álsirese de ónerkásip boiynsha qalada turaqtylyq saqtalǵan. 7 aida kórsetkish 100,9 %-ǵa jetti. Qalada 420 mlrd teńgeniń ónimi óndirilgen. Qalanyń investitsiialyq qarqyny azaidy depaitý qiyn. Sebebi 8 aida biz 500 mlrd teńge jinap aldyq», - dedi E.Orazalin.
Sondai-aq, ol kórsetilgen kezeńde investitsiialar blogy boiynsha naqty kólem indeksi 110% jetkenin aitty.
«Investorlar kelip jatyr. Qarajat salyp jatyr. Karantin kezindegi aýyr ekonomikalyq ahýaldan shyǵý úshin bul óte mańyzdy», - dedi Orazalin.
