Instagram: ajupventure
الماتى ەكٸمٸ ەربولات دوساەۆ اۆتوبۋستار "زيراتىنان" قالاي قۇتىلۋ جوسپارلانىپ وتىرعانىن ايتتى, - دەپ حابارلايدى Tengrinews.kz سايتى.
قالا ەكٸمٸنە "الماتى ٸرگەسٸندە ورنالاسقان اۆتوبۋستار "زيراتىنىڭ" جاعدايى قالاي بولادى, ونى ۇستاۋعا شىنىمەن دە قالا بيۋدجەتٸنەن قارجى تٶلەنە مە" دەگەن ساۋالدار قويىلدى.
"وندا تەحنيكالىق تەكسەرۋ جٷرگٸزۋ قاجەت. "الماتىەلەكتروترانسپەن" بۇل جۇمىستى باستادىق. كەلەسٸ جىلى, كٶكتەمدە تولىعىمەن اياقتايمىز. ياعني, ەربٸر اۆتوبۋس تەكسەرٸلەدٸ, وعان مەسليحاتتىڭ تەكسەرۋ كوميسسيياسى, سونداي-اق وسىنداي تەكسەرۋگە قۇقىعى بار مامانداندىرىلعان ۇيىمدار قاتىسادى. مەملەكەتتٸك ساتىپ الۋ اياسىندا "الماتىەلەكتروترانس" 2023 جىلعا 175 ميلليون تەڭگە تٶلەدٸ, بٸراق قازٸر ورنالاسقان جەردٸ ٶزگەرتەتٸن بولامىز. ول جەتٸگەندە ورنالاسقان, ەڭبەكشٸقازاق اۋدانىندا 5 گەكتارعا جۋىق الاڭ تاپتىق, ولارمەن 26 ايعا شارت جاسالادى. ەكٸ جىل ٸشٸندە 150 ميلليون تەڭگە تٶلەيمٸز, بۇل ٶتكەن الاڭنان كەم ەمەس", - دەدٸ ەكٸم.
ەكٸمنٸڭ ايتۋىنشا, الماتى وبلىسىنىڭ ەكٸمٸ "زيراتتان" 157 اۆتوبۋس الىپ كەتەدٸ, قالعاندارىن قاجەت بولعان جاعدايدا باسقا ەكٸمدٸكتەرگە شىعارۋ ۇسىنىلعان. دوساەۆ ەكٸ جىلدان كەيٸن "زيرات" جويىلىپ, بولاشاقتا مۇنداي قويمالار پايدا بولماس ٷشٸن اۆتوبۋستار ۋاقىتىلى ەسەپتەن شىعارىلادى جەنە جويىلادى دەپ ۋەدە بەردٸ.
"باسقا ايماقتار ولاردى قوسالقى بٶلشەكتەرٸنە بولا الا الادى. بٸز قولدانىستاعى جىلجىمالى قۇرامدى جاڭارتۋ ٷشٸن ول جاقتان نەگٸزگٸ قوسالقى بٶلشەكتەردٸ الدىق. قازٸر بۇل اۆتوبۋستار جاقسى كٶرٸنگەنٸمەن, بٸراق ٸشٸندە ەشتەڭە جوق. جوسپار بويىنشا جىل سايىن ەسەپتەن شىعارۋ جۇمىستارىن جٷرگٸزەمٸز", - دەپ قوستى دوساەۆ.
