الماتى سانيتارلىق نورمالارعا سالىناتىن ەكٸمشٸلٸك ايىپپۇلدار بويىنشا قازاقستاندا كٶش باستاپ تۇر. بۇل تۋرالى ونلاين بريفينگ بارىسىندا قالالىق كەسٸپكەرلەر پالاتاسىنىڭ ديرەكتورى ناريمان ەبٸلشايىقوۆ ايتتى, دەپ حابارلايدى قازاقپارات.
ونىڭ ايتۋىنشا الماتى قالاسىنىڭ باس سانيتارلىق دەرٸگەرٸنٸڭ قاۋلىسىنا قۇلاق اسپايتىن جەكەلەگەن كەسٸپكەرلەر بار.
«بٸزدٸڭ قالامىز بٷگٸندە ەكٸمشٸلٸك ايىپپۇلدار سانى بويىنشا قازاقستان قالالارى اراسىندا بٸرٸنشٸ ورىنعا شىعىپ, انتيرەيتينگٸنٸڭ كٶشباسشىسىنا اينالدى. الماتى قالاسى تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ مەلٸمەتٸنشە, 5 شٸلدە مەن 9 قازان ارالىعىندا 3 837 نىسان تەكسەرۋ شاراسى ٶتكٸزٸلٸپ, قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 425-بابى بويىنشا بارلىعى ەكٸمشٸلٸك بۇزۋشىلىقتار تۋرالى 4 مىڭعا جۋىق حاتتاما تولتىرىلدى. سالىنعان ايپپۇلدىڭ جالپى سوماسى 235 ملن تەڭگەدەن اسادى», - دەدٸ ول.
جوعارىدا اتالعان كەزەڭ ارالىقتا ەلٸمٸزدە جالپى 895 ملن تەڭگەگە 16 مىڭعا جۋىق حاتتاما جاسالعان. ونىڭ ٸشٸندە 307 ملن تەڭگەسٸ جەكە تۇلعالارعا سالىنعان ايىپپۇل.
بٷگٸنگٸ تاڭدا الماتى قالاسىندا 26 مونيتورينگ توبى جۇمىس ٸستەيدٸ, ولاردىڭ قۇرامىندا پوليتسييا, تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ, اۋداندىق باسقارمالار, كەسٸپكەرلەر پالاتاسىنىڭ ٶكٸلدەرٸ بار. سونداي-اق, بۇل توپتىڭ جۇمىسىنا ٷكٸمەتتٸك ەمەس ۇيىمدار ٶكٸلدەرٸ مەن ەرٸكتٸلەر ٷلەس قوسىپ جٷر.
مونيتورينگ توپتارىنىڭ ماقساتى - كوروناۆيرۋس ينفەكتسيياسىنىڭ كەڭ تارالۋىنا جول بەرمەۋ جەنە قالا تۇرعىندارى اراسىندا جۇقتىرۋدىڭ الدىن الۋ.
