الماتىدا دەرٸگەرلەر ەر ادامنىڭ كٶزٸنەن 3 سم سىم تەمٸر الىپ شىقتى, دەپ حابارلايدى "ۇلت اقپارات".
قالالىق كلينيكالىق ورتالىق اۋرۋحانانىڭ باسپاسٶز قىزمەتٸنەن حابارلاعانداي, ەر ادام جۇمىسىندا جاراقات العان.
سىم تەمٸر كٶز الماسىنا كٸرٸپ كەتكەن.
وفتالموحيرۋرگ, مەديتسينا عىلىمدارىنىڭ ماگيسترٸ مەدەت التىنبەك شۇعىل تٷردە وتا جاسادى. 1 ساعاتقا سوزىلعان وتادان سوڭ 3 سم سپيرال الىندى.
وتا نەتيجەسٸندە كٶزٸنٸڭ الدىڭعى كامەراسى مەن نۇرلى قابىعى قالپىنا كەلتٸرٸلدٸ. كەسٸلگەن جارا ورنى تٸگٸلٸپ, كٶزدٸڭ كٶرۋ قابٸلەتٸ قالپىنا كەلدٸ.
«وسىنداي جاعدايدا دەر كەزٸندە كٶمەك كٶرسەتٸلمەسە, كٶزگە كەڭ كٶلەمدە قان جايىلۋى مٷمكٸن. ادام كٶرۋ قابٸلەتٸنەن ايىرىلادى. وتا سەتتٸ ٶتتٸ. پاتسيەنت بٶلٸمشەگە اۋىستىرىلدى»,- دەدٸ دەرٸگەر.
ايتا كەتەيٸك, قالالىق ورتالىق كلينيكالىق اۋرۋحانانىڭ وفتالمولوگييالىق بٶلٸمشەسٸندە جىل باسىنان بەرٸ 130 جوعارى تەحنولوگييالىق وتا جاسالدى.
