الماتىنىڭ "التىن وردا" بازارىندا بولعان تٶبەلەستٸڭ ۆيدەوسى ەلەۋمەتتٸك جەلٸدە تاراپ كەتتٸ. پوليتسييا تەرگەۋ شارالارىن باستادى, دەپ حابارلايدى Sputnik قازاقستان.
Instagram-پابليكتەردە تاراعان اقپاراتقا سەيكەس, "التىن وردا" بازارىندا تۇراق ٷشٸن اقى جينايتىن ەر ادام 100 تەڭگە بەرۋدٸ تالاپ ەتكەن. بٸراق كٶلٸك جٷرگٸزۋشٸسٸندە 20 مىڭ تەڭگەلٸك تۇتاس اقشادان باسقا تيىن-تەبەن بولمادى. ول كارتاعا اۋدارىم جاساۋدى ۇسىندى. بٸراق تۇراق قىزمەتكەرٸ كەلٸسكەن جوق. ەكەۋٸ سٶزگە كەلٸپ, ارتى تٶبەلەسكە ۇلاسقان. ۆيدەودا جانجالدىڭ قالاي باستالعانى كٶرسەتٸلمەيدٸ. كٶلٸك جٷرگٸزۋشٸسٸ تۇراق قىزمەتكەرٸن جاعادان الىپ, باسپەن بٸر ۇرادى.
ال Instagram-دا جارييالانعان ۆيدەودا ەكٸ جاقتىڭ تٶبەلەستەن كەيٸن پوليتسييانى كٷتٸپ تۇرعانىن كٶرۋگە بولادى. ارعى جاعىندا بالاعات سٶزدەر ەستٸلەدٸ. وسى كەزدە كٶلٸك جٷرگٸزۋشٸسٸ: "توقتا!",- دەپ, تاعى بٸر ەر ادامنىڭ ارتىنان جٷگٸرەدٸ. ونىڭ بەكٸنٸ لاقتىرىپ تاستاعانىن كٶرسەتەدٸ. وسىدان كەيٸن ۆيدەو ٷزٸلەدٸ دە, بٸردەن بٸر توپ ادام كٶلٸكتٸڭ تەرەزەسٸن ۇرىپ جاتقان كادرعا اۋىسىپ كەتەدٸ. كٶلٸك جٷرگٸزۋشٸسٸ قاشا جٶنەلەدٸ. جولدا بازاردىڭ باسقا قىزمەتكەرلەرٸ دە كٶلٸكتٸ ۇرىپ, توقتاتۋعا تىرىسادى.
كٶلٸك جٷرگٸزۋشٸسٸ بەينەٷندەۋ دە جازدى. ونىڭ ايتۋىنشا, تٶبەلەس كەزٸندە ۇلتارالىق جانجال بولعان جوق. ول بازار قىزمەتكەرلەرٸ جابىلعاننان كەيٸن كەلٸنشەگٸ ٷشٸن قورقىپ, وقيعا ورنىنان قاشىپ كەتكەن.
الماتى وبلىستىق پوليتسييا دەپارتامەنتٸ وقيعانىڭ مەن-جايىن انىقتادى. بازارداعى تٶبەلەس بٷگٸن تاڭعى ساعات 9:10-دا بولعان. بٸراق جانجالدان كەيٸن قاراساي اۋداندىق پوليتسييا باسقارماسىنا ەشكٸم ارىز تٷسٸرگەن جوق. دەگەنمەن ەلەۋمەتتٸك جەلٸلەرگە مونيتورينگ جاساۋ كەزٸندە تٶبەلەستٸڭ ۆيدەوسى انىقتالدى. سول بويىنشا سوتقا دەيٸنگٸ تەرگەۋ شارالارى باستالدى.
"وقيعا ورنىنا شۇعىل تەرگەۋ توبى باردى. قازٸرگٸ كەزدە ۆيدەوداعى بارلىق ادام انىقتالدى. تەرگەۋ اياسىندا ەكٸ جاق تا جاۋاپ بەرٸپ جاتىر", - دەدٸ پوليتسەيلەر.
قازٸرگٸ كەزدە قىلمىستىق كودەكستٸڭ 293-بابى, 2-بٶلٸگٸ ("بۇزاقىلىق, الدىن الا سٶز بايلاسۋ ارقىلى ادامدار توبى جاساعان ەرەكەت") بويىنشا سوتقا دەيٸنگٸ تەرگەۋ شارالارى جٷرگٸزٸلٸپ جاتىر. كٸنەلٸ ادامدار بەس جىلعا دەيٸن باس بوستاندىعىنان ايىرىلۋى مٷمكٸن.
