الپ ەر تۋنگا ەرسوي "الماتى حالىقارالىق ەۋەجايى" اق پرەزيدەنتٸ بولىپ تاعايىندالدى. بۇل تۋرالى قازاقستان قور بيرجاسىنىڭ (KASE) سايتىندا جارييالاندى.
«2021 جىلعى 14 قىركٷيەكتەگٸ ديرەكتورلار كەڭەسٸنٸڭ شەشٸمٸمەن اتقارۋشى ورگاننىڭ قۇرامىنا كەلەسٸ ٶزگەرٸستەر ەنگٸزٸلدٸ: پريزيدەنت ەركال كادري مەتە شىعارىلدى; الپ ەر تۋنگا ەرسوي – پرەزيدەنت بولىپ تاعايىندالدى», - دەلٸنگەن حابارلامادا.
اشىق دەرەككٶزدەردەن الىنعان مەلٸمەتكە سەيكەس, الپ ەر تۋنگا ەرسوي TAV Kazakhstan-دا 2021 جىلدىڭ شٸلدەسٸنەن باستاپ جۇمىس ٸستەيدٸ. بۇعان دەيٸن ول TAV Urban Georgia (گرۋزييا) كومپانيياسىندا جوعارى لاۋازىمدى قىزمەت اتقارعان. 12 جىل TAV ماكەدونييادا جۇمىس ٸستەگەن.
ەركال كادري مەتە 2021 جىلدىڭ مامىرىندا الماتى حالىقارالىق ەۋەجايىنىڭ پرەزيدەنتٸ - باس ديرەكتورى بولىپ تاعايىندالعان ەدٸ.
ايتا كەتەيٸك, «الماتى حالىقارالىق ەۋەجايى» اق اكتسييالارى قازاقستان قور بيرجاسىنىڭ (KASE) رەسمي تٸزٸمٸندە.
ەسكە سالايىق, سەۋٸر ايىندا TAV Airports (Groupe ADP قۇرامىنا كٸرەدٸ) كومپانيياسى ساتىپ الۋدى اياقتاپ, ەلدٸڭ ەكونوميكالىق استاناسىندا ورنالاسقان قازاقستاننىڭ ەڭ كٶپ جۇمىس ٸستەيتٸن ەۋەجايى – الماتى قالاسى ەۋەجايىنىڭ وپەراتسييالىق قىزمەتٸن باسقارۋدى ٶز موينىنا العان بولاتىن.
