Alp Er Týnga Ersoi "Almaty halyqaralyq áýejaiy" AQ prezidenti bolyp taǵaiyndaldy. Bul týraly Qazaqstan qor birjasynyń (KASE) saitynda jariialandy.
«2021 jylǵy 14 qyrkúiektegi Direktorlar keńesiniń sheshimimen atqarýshy organnyń quramyna kelesi ózgerister engizildi: Prizident Erkal Kadri Mete shyǵaryldy; Alp Er Týnga Ersoi – prezident bolyp taǵaiyndaldy», - delingen habarlamada.
Ashyq derekkózderden alynǵan málimetke sáikes, Alp Er Týnga Ersoi TAV Kazakhstan-da 2021 jyldyń shildesinen bastap jumys isteidi. Buǵan deiin ol TAV Urban Georgia (Grýziia) kompaniiasynda joǵary laýazymdy qyzmet atqarǵan. 12 jyl TAV Makedoniiada jumys istegen.
Erkal Kadri Mete 2021 jyldyń mamyrynda Almaty halyqaralyq áýejaiynyń prezidenti - bas direktory bolyp taǵaiyndalǵan edi.
Aita keteiik, «Almaty halyqaralyq áýejaiy» AQ aktsiialary Qazaqstan qor birjasynyń (KASE) resmi tiziminde.
Eske salaiyq, sáýir aiynda TAV Airports (Groupe ADP quramyna kiredi) kompaniiasy satyp alýdy aiaqtap, eldiń ekonomikalyq astanasynda ornalasqan Qazaqstannyń eń kóp jumys isteitin áýejaiy – Almaty qalasy áýejaiynyń operatsiialyq qyzmetin basqarýdy óz moinyna alǵan bolatyn.
