الماتىدا مەتروپوليتەننٸڭ بٸرٸنشٸ جەلٸسٸنٸڭ ەكٸنشٸ كەزەڭٸندەگٸ ٷشٸنشٸ ٸسكە قوسۋ كەشەنٸنٸڭ قۇرىلىسى جالعاسىپ جاتىر. قالا ەكٸمٸ دارحان ساتىبالدى جۇمىس ساپارى اياسىندا «قالقامان» مەترو بەكەتٸ مەن وعان جالعاساتىن توننەلدەردەگٸ جۇمىس بارىسىمەن تانىستى.
سول جاق ارالىق توننەلدە «ب. مومىشۇلى» بەكەتٸنەن سالىنىپ جاتقان «قالقامان» بەكەتٸنە دەيٸنگٸ ارالىقتا رەلستەر تٶسەۋ تولىق اياقتالدى. توننەل ٸشٸندە ەلەكترمەن جابدىقتاۋ كابەلدەرٸ, سۋ قۇبىرى جەنە درەناج جٷيەسٸ تارتىلدى, ينجەنەرلٸك جابدىققا ارنالعان كرونشتەيندەر ورناتىلدى. ەندٸگٸ كەزەڭدە بەينەباقىلاۋ, دىبىستىق حابارلاۋ, ٶرت جەنە قاۋٸپسٸزدٸك دابىل بەرۋ جٷيەلەرٸن ورناتۋ جوسپارلانعان. سونىمەن قاتار وڭ جاق پەرەگوندىق توننەلدٸ قازۋ جۇمىستارى جالعاسۋدا: جالپى ۇزىندىعى 1 593 مەتردٸڭ 1 285 مەترٸ جٷرگٸزٸلدٸ, 308 مەترٸ قالدى.
ستانتسييانىڭ ٶزٸندە مونوليتتٸك قۇرىلىمدار اياقتالۋعا جاقىن, كەرٸ توپىراق تولتىرۋ جٷرگٸزٸلٸپ جاتىر. ٸشكٸ كەڭٸستٸكتە ەرلەۋ جۇمىستارى, ينجەنەرلٸك كوممۋنيكاتسييالار تارتۋ جەنە جابدىقتى مونتاجداۋعا دايىندىق جٷرٸپ جاتىر. بارلىق ٶندٸرٸستٸك وپەراتسييالار تەۋلٸك بويى اتقارىلادى. جالپى نىساندا 478-دەن استام مامان ەڭبەك ەتۋدە: ونىڭ 149-ى جەراستى جۇمىستارىندا, 329-ى – اشىق الاڭداردا.
دارحان ساتىبالدى بەكٸتٸلگەن مەرزٸمدٸ قاتاڭ ساقتاۋدىڭ جەنە جۇمىستاردىڭ جوعارى ساپاسىن قامتاماسىز ەتۋدٸڭ ماڭىزدىلىعىن اتاپ ٶتتٸ. ەكٸمنٸڭ ايتۋىنشا, «قالقامان» مەترو بەكەتٸنٸڭ قۇرىلىسى الماتىنىڭ كٶلٸك جٷيەسٸ ٷشٸن ستراتەگييالىق مەنگە يە جەنە مەترونىڭ باتىس باعىتتارداعى قولجەتٸمدٸلٸگٸن ايتارلىقتاي ارتتىرادى.
قۇرىلىس-مونتاج جۇمىستارى 2026 جىلدىڭ بٸرٸنشٸ جارتىسىنىڭ سوڭىنا دەيٸن اياقتاۋ جوسپارلانعان.
