بٷگٸن تاڭەرتەڭ الماتى ەكٸمٸ باقىتجان ساعىنتاەۆ ۇشاق اپاتى بولعان جەرگە باردى, دەپ حابارلايدى "ۇلت اقپارات".
بۇل تۋرالى ەكٸمنٸڭ باسپاسٶز حاتشىسى ەسەت مۇقاجانوۆ Instagram پاراقشاسىندا جازدى.
«بەك ەير» ەۋە كومپانيياسىنا تيەسٸلٸ «فوككەر-100» ۇشاعىنىڭ قۇلاعان جەرٸنە قالا ەكٸمٸ باقىتجان ساعىنتاەۆ باردى. قالا باسشىسى ٸزدەستٸرۋ قۇتقارۋ جۇمىستارىن باقىلادى. ودان شىعىپ الماتى ەۋەجايىنىڭ تەرمينالىن ارالاپ شىقتى. سودان كەيٸن №4 اۋرۋحانا مەن شۇعىل مەديتسينالىق كٶمەك كٶرسەتۋ اۋرۋحاناسىنا, بالالارعا شۇعىل مەديتسينالىق كٶمەك كٶرسەتۋ ورتالىعىنا بارىپ, زارداپ شەككەن ادامداردىڭ حالىن بٸلدٸ. قالا باسشىسى قازا بولعانداردىڭ وتباسىنا قايعىسىنا وتاقتاسىپ كٶڭٸل ايتتى», - دەدٸ ەسەت مۇقاجانوۆ.
ايتا كەتۋ كەرەك, بٷگٸن الماتى — نۇر سۇلتان باعىتىنداعى بەك ەير ۇشاعى الماتى وبلىسى ەلمەرەك اۋىلىندا اپاتقا ۇشىرادى.
الدىن الا اقپارات بويىنشا بورتتا 93 جولاۋشى, 5 ەكيپاج مٷشەسٸ بولعان.
قالالىق ەكٸمدٸك تاراتقان اقپارات بويىنشا, كەزەكشٸ پۋلتٸنە تاڭعى 7:43-تە قوڭىراۋ تٷسكەن. وقيعا ورنىنا الماتى وبلىسىنىڭ ٸلە جەنە تالعار اۋدانىنان 16 جەدەل جەردەم بريگاداسى شىقتى. الماتى قالاسىنان 35 جەدەل جەردەم بريگاداسى كەلدٸ. 2 نەيروحيرۋرگييالىق برياگادا جولعا شىقتى.
الماتى وبلىستىق كٶپ پروفيلدٸ اۋرۋحاناسىنا اسا اۋىر حالدەگٸ 5 پاتسيەنت جەتكٸزٸلدٸ.
بالالارعا شۇعىل مەديتسينالىق كٶمەك كٶرسەتۋ ورتالىعىنا 8 بالا جەتكٸزٸلدٸ. ولاردىڭ بارلىعى تٷرلٸ جاراقات العان. №4 قالالىق كلينيكالىق اۋرۋحاناعا 17 اادام اسا اۋىر جاراقاتپەن جەتكٸزٸلدٸ.
قازٸر بۇل جۇمىستارعا پسيحولوگتار دا جۇمىلدىرىلدى.
