الماتى ەكٸمدٸگٸ تەڭٸزدەن كەلگەن قىزمەتكەرلەردٸ ٷي كارانتينٸنە جٸبەرمەي, جاتاقحاناعا وقشاۋلاۋ سەبەبٸن تٷسٸندٸردٸ, دەپ حابارلايدى "ۇلت اقپارات".
كەشە 200 ۆاحتالىق قىزمەتكەر اتىراۋ وبلىسىنان ارنايى رەيسپەن ورالعان بولاتىن.
تەڭٸز كەنٸشٸنٸڭ قىزمەتكەرلەرٸ بٷگٸن ٷي كارانتينٸنە جٸبەرمەدٸ دەپ باق ٶكٸلدەرٸنە شاعىمداندى.
ولار اتىراۋدان شىعاردا كوروناۆيرۋسقا تەست تاپسىرعان. جۇمىسكەرلەردٸڭ پايىمداۋىنشا, قايتا-قايتا اناليز تاپسىرۋدىڭ قاجەتتٸ جوق.
قالالىق ەكٸمدٸكتٸڭ حابارلاۋىنشا, ولار جاتاقحانادا مەديتسينالىق قىزمەتكەرلەردٸڭ باقىلاۋىندا بولماق.
«ولار قۇرمانعازى 113 ا مەكەنجايىندا ورنالاسقان قازاق ۇلتتىق مەديتسينالىق ۋنيۆەرسيتەتٸنٸڭ جاتاقحاناسىنا جاتقىزىلدى. وسى ۋنيۆەرسيتەت كلينيكاسىنىڭ دەرٸگەرلەرٸ ولاردىڭ دەنساۋلىعىن باقىلايتىن بولادى. ەۋ باستان ٷيلەرٸنە جٸبەرٸلەدٸ دەگەن اقپارات بولعان جوق. كەلگەندەر 1-2 كٷن كارانتيندە وقشاۋلانىپ, پتسر تەست تاپسىرىپ, نەتيجەسٸ تەرٸس شىققان جاعدايدا عانا 14 كٷنگە ٷي كارانتينٸنە جٸبەرٸلەدٸ», - دەدٸ ەكٸمدٸكتەن.
قالالىق قوعامدىق دەنساۋلىق ساقتاۋ باسقارماسىنىڭ حابارلاۋىنشا, 200 ادامنان بٸر ۋاقىتتا اناليز الۋ بٸرشاما ۋاقىتتى الادى.
قالا ەكٸمٸنٸڭ بٸرٸنشٸ ورىنباسارى ەرلان قوجاعاپانوۆ مۇنىڭ الدىندا اتىراۋدان كەلگەن «تەڭٸزشەۆرويل» جشس قىزمەتكەرلەرٸ كارانتينگە جاتقىزىلاتىنىن ايتقان بولاتىن. مۇنىڭ الدىندا جەتكٸزٸلگەن بورتتا بٸر قىزمەتكەردەن ۆيرۋس تابىلعان.
