الماتى-2 ۆوكزالىندا ٶرت شىقتى, - دەپ حابارلايدى Tengrinews.kz تٶتەنشە جاعدايلار مينيسترلٸگٸ باسپاسٶز قىزمەتٸنە سٸلتەمە جاساپ.
ەلەۋمەتتٸك جەلٸدە الماتى-2 ۆوكزالىنىڭ عيماراتىنان جولاۋشىلار ەۆاكۋاتسييالاعانى تۋرالى حابارلاما پايدا بولدى. تٶتەنشە جاعدايلار مينيسترلٸگٸنٸڭ باسپاسٶز قىزمەتٸ اقپاراتتى راستادى. 29 قاراشادا ساعات 14:08-دە ۆوكزال عيماراتىنىڭ تٶبەسٸ ٶرتەنٸپ جاتقانى تۋرالى حابارلاما تٷسكەن. وقيعا ورنىندا تٶتەنشە جاعدايلار دەپارتامەنتٸنٸڭ قىزمەتكەرلەرٸ, 43 ٶرتسٶندٸرۋشٸ مەن 14 تەحنيكا جۇمىس ٸستەپ جاتىر.
"الدىن الا 100 شارشى مەتر الاڭدا ۆوكزالدىڭ نەگٸزگٸ عيماراتى شاتىرىنىڭ اعاش تاقتايشاسى ٶرتەندٸ, ادامدار عيماراتتان ٶز بەتٸنشە شىقتى, زارداپ شەككەندەر جوق. ساعات 14:30-دا ٶرت وقشاۋلاندى", - دەدٸ تجم ٶكٸلدەرٸ.
ساعات 14.50-دە ٶرت سٶندٸرٸلدٸ. ۆوكزال شتاتتىق رەجيمدە جۇمىس ٸستەپ جاتقانى, پويىزدار كەشٸكپەگەنٸ اتاپ ٶتٸلدٸ. ٶرتتٸڭ شىعۋ سەبەبٸ انىقتالىپ جاتىر.
