اللەن سەرجانۇلى شەيجٷنٸسوۆ جالعىز اكتسيونەر – ساۋدا جەنە ينتەگراتسييا مينيسترلٸگٸنٸڭ شەشٸمٸمەن «QazExpoCongress» ۇلتتىق كومپانيياسى» اق باسقارما تٶراعاسى لاۋازىمىنا تاعايىندالدى, دەپ حابارلايدى "ۇلت اقپارات".
ا. شەيجٷنٸسوۆ 2015 جىلدان باستاپ «QazExpoCongress» ۇلتتىق كومپانيياسىندا (2020 جىلدىڭ اقپانىنا دەيٸن – «استانا ەكسپو-2017») ماركەتينگ جەنە ٸلگەرٸلەتۋ دەپارتامەنتٸنٸڭ ديرەكتورى, باسقارۋشى ديرەكتور, باسقارما تٶراعاسىنىڭ ورىنباسارى, باسقارما تٶراعاسىنىڭ بٸرٸنشٸ ورىنباسارى قىزمەتتەرٸن اتقاردى. سونىمەن قاتار, اللەن شەيجٷنٸسوۆ دٷنيەجٷزٸلٸك «EXPO-2020 Dubai» كٶرمەسٸندەگٸ قازاقستان سەكتسيياسىنىڭ باس كوميسسارى.
اللەن شەيجٷنٸسوۆ رەسەي فەدەراتسيياسى سىرتقى ٸستەر مينيسترلٸگٸنٸڭ مەسكەۋ مەملەكەتتٸك حالىقارالىق قاتىناستار ينستيتۋتىن, قازاق قارجى-ەكونوميكالىق اكادەميياسىن بٸتٸرگەن.
ا. شەيجٷنٸسوۆ ەڭبەك جولىن 1998 جىلى «قازاقستان كابەل كومپانيياسى» جشس رەسەي فەدەراتسيياسىنداعى ٶكٸلدٸگٸندە باستادى. كەيٸن ديپلوماتييالىق قىزمەتتە بولدى, ەر جىلدارى ماڭعىستاۋ وبلىسى ەكٸمٸ اپپاراتى باسشىسىنىڭ ورىنباسارى, «نۇر وتان» حالىقتىق-دەموكراتييالىق پارتيياسىنىڭ ورتالىق اپپاراتى حاتشىلىعىنىڭ مەڭگەرۋشٸسٸ, «سامۇرىق-قازىنا كونتراكت» جشس باسقارۋشى ديرەكتورى, قازاقستان رەسپۋبليكاسىنىڭ ۆەلوسيپەد سپورتى فەدەراتسيياسىنىڭ ۆيتسە-پرەزيدەنتٸ, قازاقستان رەسپۋبليكاسى سپورت جەنە دەنە شىنىقتىرۋ ٸستەرٸ اگەنتتٸگٸ تٶراعاسىنىڭ ورىنباسارى, قازاقستان فۋتبول فەدەراتسيياسى بٸرٸنشٸ ۆيتسە-پرەزيدەنتٸ قىزمەتتەرٸن اتقاردى.
