«COVID-19 ينفەكتسيياسىنان قورعانۋ ٷشٸن الكوگولدٸ كٶپ ٸشۋ كەرەك». Facebook ەلەۋمەتتٸك جەلٸسٸندە وسىنداي ۇسىنىس جارييالاندى. پوست اۆتورىنىڭ سٶزٸنشە, سىرا, شاراپ جەنە سپيرتتٸك تۇنبالار مەن بالزامدار اۋرۋعا قارسى تۇرۋعا كٶمەكتەسەدٸ. شىندىعىندا, بۇعان ەشقانداي عىلىمي دەلەل جوق, دەپ جازادى stopfake.kz.
الكوگول اعزانى ٸشتەن «زارارسىزداندىرادى», بارلىق ۆيرۋستاردى ٶلتٸرەدٸ دەگەن ميف بۇرىننان بار جەنە بٸرنەشە رەت تەرٸسكە شىعارىلعان بولاتىن. بٸراق COVID-19 پاندەميياسى باستالعالى ول قايتا تارالۋدا. اۋرۋدىڭ الدىن الۋدىڭ بۇل ەدٸسٸن جاقتاۋشىلار, عالىمدار الكوگولدٸڭ ۆيرۋستاردى ٶلتٸرە الاتىن قابٸلەتٸن دەلەلدەگەن دەپ مەلٸمدەۋدە.
قۇرامىندا الكوگول بار زاتتاردىڭ ۆيرۋستارعا جەنە SARS-CoV-2 كوروناۆيرۋسىنا ەسەرٸ تۋرالى زەرتتەۋلەر بار. الايدا, ولار الكوگولدٸ ٸشۋ ەمەس, قولدار مەن زاتتاردىڭ بەتتەرٸن زارارسىزداندىرۋ ٷشٸن عانا قولدانۋعا قاتىستى.
ددسۇ سايتىندا COVID-19 كٷرەس اياسىندا الكوگول ٸشۋدٸڭ پايداسى تۋرالى ميف جوققا شىعارىلعان. ساراپشىلار قۇرامىندا سپيرت بار ەرٸتٸندٸلەر تەك قول مەن زاتتاردىڭ بەتتەرٸن دەزينفەكتسييالاۋ ٷشٸن عانا تيٸمدٸ ەكەنٸن اتاپ ٶتتٸ. ونى ٸشۋ قاجەت ەمەس.
سونىمەن قاتار, ٶزدەرٸن ۆيرۋستان قورعاۋ ٷشٸن كونترفاكتٸلٸ ٶنٸم تۇتىنعان ادامدار ۋلانىپ, قايتىس بولعان جاعدايلار دا تٸركەلگەن.
عالىمدار الكوگولدٸ شامادان تىس تۇتىنۋ دەنساۋلىققا, ونىڭ ٸشٸندە يممۋندىق جٷيەگە ايتارلىقتاي زييان كەلتٸرۋٸ مٷمكٸن ەكەندٸگٸن ايتادى. وسىلايشا, ۆيرۋس جۇققاندا اعزا وعان تٶتەپ بەرە الماۋى مٷمكٸن.
