جاپونييانىڭ توكيو قالاسىندا ٶتٸپ جاتقان پاراليمپيادا ويىندارىندا قازاقستاندىق الينا سولودۋحينا پارا پاۋەرليفتينگتەن سايىسقا تٷستٸ, دەپ حابارلايدى "ۇلت اقپارات".
ول ەيەلدەر اراسىندا 45 كەلٸ سالماقتا ەل نامىسىن قورعادى. سايىس بارىسىندا الينا ٷش مەرتە جارىس جولىنا شىقتى. نەتيجەسٸندە ونىڭ كٶرسەتكٸشٸ 83 كەلٸنٸ شامالادى. وسىلايشا توعىز سپورتشىنىڭ اراسىنان بەسٸنشٸ ورىنعا تابان تٸرەدٸ.
اتالعان سالماقتا نيگەرييالىق لاتيفات تيدجاني 107 كەلٸ سالماقتى باعىندىرىپ, التىن مەدال الدى. ەكٸنشٸ ورىندى قىتايلىق تسۋيگە چجە (102 كەلٸ) بۇيىرسا, قولا جٷلدەنٸ پولشالىق يۋستينا كوزدريك (101 كەلٸ) ەنشٸلەدٸ.
بۇعان دەيٸن قازاقستاندىق داۆيد دەگتيارەۆ ەرلەر اراسىندا 54 كەلٸ سالماقتا چەمپيون اتانعان ەدٸ.
ايتا كەتەيٸك, توكيو پاراليمپياداسى 5 قىركٷيەككە دەيٸن سوزىلادى. اتالعان جارىستا ەلٸمٸزدٸڭ اتىنان بارعان 26 سپورتشى سپورتتىڭ 7 تٷرٸنەن سىنعا تٷسەدٸ.
سونداي-اق, 2016 جىلى برازيلييانىڭ ريو-دە-جانەيرو قالاسىندا زۋلفييا گابيدۋللينا ەركٸن ەدٸسپەن 100 مەترگە سۋعا جٷزۋدەن چەمپيون اتانسا, سول جولى راۋشان قويشىباەۆا پاۋەرليفتينگتەن ەيەلدەر اراسىندا 67 كەلٸدە كٷمٸس جٷلدە الدى.
