بيزنەستەگٸ پروبلەمالىق مەسەلەلەر قازاقستان رەسپۋبليكاسى پرەمەر-مينيسترٸنٸڭ بٸرٸنشٸ ورىنباسارى ە. سمايىلوۆتىڭ تٶراعالىعىمەن ٶتكەن جيىندا تالقىلاندى.
بۇل تۋرالى قازاقپارات ٷكٸمەتتٸڭ باسپاسٶز قىزمەتٸنە سٸلتەمە جاساپ حابارلايدى.
جيىن بارىسىندا «اتامەكەن» ۇكپ ٶكٸلدەرٸ كەسٸپكەرلەر كٶتەرگەن بٸرقاتار مەسەلەلەردٸ ورتاعا سالدى.
اتاپ ايتقاندا, كٶلٸك تاسىمالى سالاسىن سۋبسيدييالاۋ جەنە توزىعى جەتكەن اۆتوبۋستاردىڭ مەسەلەلەرٸ سٶز بولدى.
بيىلعى جىلى ەكٸمدٸكتەر قالالىق مارشرۋتتاردى سۋبسيدييالاۋعا 2020 جىلمەن سالىستىرعاندا 75 پايىزعا ارتىق قاراجات بٶلدٸ.
پرەمەر-مينيستردٸڭ ورىنباسارى تيٸستٸ مينيسترلٸككە توقسان سايىن ەكٸمدٸكتەردٸڭ قالالىق جولاۋشىلار كٶلٸگٸن دامىتۋ جٶنٸندەگٸ ٸس-شارالار كەشەنٸن جەنە سۋبسيدييالاۋدى قامتاماسىز ەتۋ بويىنشا قولدانىستاعى زاڭنامانى ٸسكە اسىرۋدى تەكسەرۋ جۇمىسىن جالعاستىرۋدى تاپسىردى.
بيىلعى جىلدىڭ قىركٷيەگٸندە قازاقستان رەسپۋبليكاسىندا اۆتوموبيل كٶلٸگٸمەن حالىقارالىق جٷك تاسىمالداۋدى دامىتۋدىڭ جول كارتاسى قابىلدانعان بولاتىن. وسى قۇجات اياسىندا جٷك تاسىمالداۋشىلارىن قولداۋ شارالارى قالاي جٷزەگە اسىپ جاتقانى ايتىلدى. سونىڭ نەتيجەسٸندە, ۋەكٸلەتتٸ ورگانعا جول كارتاسىنا ەنگٸزۋ ٷشٸن قوسىمشا بيزنەس-ۇسىنىستار ەزٸرلەۋ جٷكتەلدٸ. سونىمەن بٸرگە, حالىقارالىق اۆتوموبيل كٶلٸگٸ وپەراتورلارىن 2025 جىلعا دەيٸن جٷك كٶلٸگٸ تارتقىشى ٷشٸن تٶلەنەتٸن باستاپقى تٸركەۋ جارناسىنان بوساتۋ مەسەلەسٸ كٶتەرٸلدٸ.
2020 جىلدىڭ 2 شٸلدەسٸنەن باستاپ 2021 جىلدىڭ 1 قاڭتارىنا دەيٸن حالىقارالىق جٷك تاسىمالى ٷشٸن ساتىپ الىنعان جٷك كٶلٸگٸ تارتقىشى باستاپقى تٸركەۋ جارناسىنانان بوساتىلدى. بۇل شارانى 2025 جىلعا دەيٸن جاڭارتۋ جوسپارلانۋدا. زاڭ جوباسىنا بۇل تٷزەتۋ كەلەسٸ جىلدىڭ باسىندا ەنگٸزٸلەدٸ.
ەسكە سالايىق, پايدالانۋ مەرزٸمٸ 3 جىلدان 5 جىلعا دەيٸنگٸ جٷك كٶلٸگٸ تارتقىشتارى ٷشٸن باستاپقى تٸركەۋ جارناسى 350 اەك قۇرايدى. 2020 جىلدىڭ قازان ايىنان باستاپ بيىلعى جىلدىڭ جەلتوقسان ايىنا دەيٸنگٸ كەزەڭدە ە. سمايىلوۆتىڭ تٶراعالىعىمەن بيزنەستٸڭ پروبلەمالىق مەسەلەلەرٸن قاراۋ بويىنشا 33 وتىرىس ٶتكٸزٸلدٸ.
«اتامەكەن» ۇكپ جەنە بيزنەس ٶكٸلدەرٸمەن بٸرگە ٷكٸمەت 160-تان استام پروبلەمالىق مەسەلەنٸ قارادى.
