پارلامەنت مەجٸلٸسٸنٸڭ جالپى وتىرىسىندا «سالىقتىق بازانى بٷركەمەلەۋگە جەنە پايدانى سالىق سالۋ اياسىنان الىپ كەتۋگە قارسى ٸس-قيمىل جاساۋ ماقساتىندا سالىقتىق كەلٸسٸمدەرگە قاتىستى شارالاردى ورىنداۋ جٶنٸندەگٸ كٶپجاقتى كونۆەنتسييانى راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى "ۇلت اقپارات".
قازاقستان رەسپۋبليكاسىنىڭ قارجى مينيسترلٸگٸ سالىقتاردى تٶلەۋدەن جالتارۋعا قارسى كٷرەسكە باعىتتالعان ەكونوميكالىق دامۋ جەنە ىنتىماقتاستىق ۇيىمىنىڭ جاڭا جوباسى – BEPS-كە قازاقستاننىڭ قاتىسۋىنا باستاما جاسادى. بۇل كونۆەنتسييا 2016 جىلى 24 قاراشادا قابىلداندى جەنە وعان قازاقستان رەسپۋبليكاسى 2018 جىلى 25 ماۋسىمدا قول قويدى.
«وسى حالىقارالىق شارتقا قوسىلۋدىڭ ماڭىزدىلىعى مەن قاجەتتٸلٸگٸن اتاپ ٶتكٸم كەلەدٸ, ٶيتكەنٸ بۇل ەۋروپالىق وداقتىڭ ديرەكتيۆاسىنا سەيكەس, BEPS جوباسىنىڭ بارلىق قاتىسۋشىلارى ٷشٸن مٸندەتتٸ شارت بولىپ تابىلادى. بۇل كونۆەنتسييا بارلىق ەكٸجاقتى سالىقتىق كونۆەنتسييالارعا سالىق سالۋدان جالتارۋعا قارسى ٸس-قيمىلعا باعىتتالعان ٶزگەرٸستەر ەنگٸزەدٸ. بۇل رەتتە كٶپجاقتى كونۆەنتسييا تەك وسى كونۆەنتسيياعا قوسىلعان مەملەكەتتەردٸڭ ەكٸجاقتى سالىقتىق كونۆەنتسييالارىن قامتيدى», - دەدٸ قر پرەمەر-مينيسترٸنٸڭ بٸرٸنشٸ ورىنباسارى - قارجى مينيسترٸ ەليحان سمايىلوۆ.
كٶپجاقتى كونۆەنتسييادا كٶزدەلگەن نەگٸزگٸ ٶزگەرٸستەر: بٸرٸنشٸدەن, زاڭدى تۇلعالاردىڭ قوس رەزيدەنتتٸك مەسەلەسٸن شەشۋ تەرتٸبٸ انىقتالعان; ەكٸنشٸدەن, كٸرٸسپە مەتٸنٸ ەكٸ مەملەكەتتە دە, اتاپ ايتقاندا كٸرٸس كٶزٸ بولاتىن مەملەكەتتە جەنە تابىس الۋشىنىڭ رەزيدەنتتٸگٸ بولاتىن مەملەكەتتە كٸرٸستەردٸ سالىق سالۋدان بوساتۋ مٷمكٸندٸگٸن بولدىرماۋ بٶلٸگٸمەن تولىقتىرىلدى; ٷشٸنشٸدەن, ەگەر مەمٸلەنٸڭ ماقساتى تەك جەڭٸلدٸكتەردٸ الۋ بولسا, جەڭٸلدٸكتەردٸ قولدانۋدى شەكتەيتٸن ەرەجە كٶزدەلگەن.
«بۇدان باسقا, بٸز «اتامەكەن» ۇلتتىق پالاتاسى الاڭىندا بيزنەس-قاۋىمداستىق ٶكٸلدەرٸمەن كٶپجاقتى كونۆەنتسييانىڭ ەرەجەلەرٸن تٷسٸندٸرۋ ماقساتىندا بٸرنەشە رەت كەزدەسۋ ٶتكٸزدٸك.بٸر جاعىنان كٶپجاقتى كونۆەنتسيياعا قوسىلۋ حالىقارالىق ستاندارتتارعا سەيكەس بولۋعا تىرىساتىن ەل رەتٸندە ەكونوميكالىق ىنتىماقتاستىق جەنە دامۋ ۇيىمىنىڭ الدىندا قازاقستاننىڭ مەرتەبەسٸن كٶتەرەدٸ. ەكٸنشٸدەن, سالىق ورگاندارىنىڭ ەكٸجاقتى سالىق كونۆەنتسييالارىنىڭ ەرەجەلەرٸن قولدانۋ ارقىلى قۇرىلعان سالىق سحەمالارىنىڭ جولىن كەسۋدەگٸ كٷرەسٸنٸڭ تيٸمدٸلٸگٸن ارتتىرۋعا مٷمكٸندٸك بەرەدٸ. كونۆەنتسييانى ٸسكە اسىرۋ مەملەكەتتٸك بيۋدجەتتەن قارجى شىعىندارىن تالاپ ەتپەيدٸ», - دەدٸ ە.سمايىلوۆ.
