فوتو: primeminister.kz
ەليحان سمايىلوۆ پرەمەر-مينيستر قىزمەتٸنە قايتا تاعايىندالدى, - دەپ حابارلايدى "ۇلت اقپارات".
29 ناۋرىزدا پرەزيدەنت پارلامەنت پالاتالارىنىڭ بٸرلەسكەن وتىرىسىندا پرەمەر-مينيستر كانديداتۋراسىن سايلاۋدا جەڭٸسكە جەتكەن پارتييا ۇسىناتىنىن, جاۋاپكەرشٸلٸك تە سول پارتيياعا جٷكتەلەتٸنٸن مەلٸمدەگەن بولاتىن. Amanat پارتيياسى كٶپ ويلانعان جوق. بٷگٸن مەجٸلٸس سپيكەرٸ, پارتييا تٶراعاسى ەرلان قوشانوۆ توقاەۆتىڭ قابىلداۋىندا بولدى. اماناتتىقتار ٷكٸمەت باسشىسى لاۋازىمىنا ەليحان سمايىلوۆتى لايىق كٶرگەن.
وسىدان كەيٸن مەملەكەت باسشىسى ۇسىنىلعان كانديداتۋرانى مەجٸلٸستەگٸ پارتييالاردىڭ باسقا فراكتسييالارىمەن تالقىلادى.
"اتا زاڭىمىزدىڭ 44-بابىنا سەيكەس, پرەمەر-مينيستر لاۋازىمىنا ەليحان اسحانۇلى سمايىلوۆتىڭ كانديداتۋراسىن ۇسىنامىن. بارشاڭىز بۇل ازاماتتى جاقسى تانيسىزدار. بٸلٸكتٸ ەرٸ تەجٸريبەلٸ مامان. جۇمىسقا ادال, ەڭبەكقور ادام. ول ٷكٸمەتتٸڭ الدىندا تۇرعان مٸندەتتەردٸ جاقسى بٸلەدٸ. وعان جاڭا ٷكٸمەتتٸڭ تٸزگٸنٸن سەنٸپ تاپسىرۋعا بولادى دەپ سانايمىن", - دەدٸ توقاەۆ مەجٸلٸستٸڭ جالپى وتىرىسىندا.
مەجٸلٸس دەپۋتاتتارى ٷكٸمەت باسشىسى كانديداتۋراسىن تالقىلاعاننان كەيٸن «قازاقستان رەسپۋبليكاسىنىڭ پرەزيدەنتٸنە قازاقستان رەسپۋبليكاسى پرەمەر-مينيسترٸ لاۋازىمىنا سمايىلوۆ ەليحان اسحانۇلىن تاعايىنداۋعا كەلٸسٸم بەرٸلسٸن» دەگەن قاۋلى جوباسىنا داۋىس بەردٸ. داۋىس بەرۋ بارىسىندا جالپى وتىرىسقا قاتىسقان 97 دەپۋتاتتىڭ 82-سٸ ونىڭ كانديداتۋراسىن قولدادى. 7 دەپۋتات قارسى شىعىپ, 8 دەپۋتات قالىس قالدى.
كەيٸن مەملەكەت باسشىسى قاسىم-جومارت توقاەۆ ەليحان اسحانۇلى سمايىلوۆتى قازاقستان رەسپۋبليكاسىنىڭ پرەمەر-مينيسترٸ لاۋازىمىنا تاعايىنداۋ تۋرالى جارلىققا قول قويدى.
"ەليحان اسحانۇلى سمايىلوۆ قازاقستان رەسپۋبليكاسىنىڭ پرەمەر-مينيسترٸ لاۋازىمىنا تاعايىندالسىن", - دەلٸنگەن جارلىقتا.
***
سمايىلوۆ ەليحان اسحانۇلى 1972 جىلى الماتى قالاسىندا دٷنيەگە كەلگەن.
1994 جىلى ەل-فارابي اتىنداعى قازاق مەملەكەتتٸك ۇلتتىق ۋنيۆەرسيتەتٸن «قولدانبالى ماتەماتيكا» ماماندىعى بويىنشا تەمامداعان.
1996 جىلى — قر پرەزيدەنتٸ جانىنداعى قازاقستان مەنەدجمەنت, ەكونوميكا جەنە بولجامداۋ ينستيتۋتىنىڭ مەملەكەتتٸك باسقارۋ ماگيسترٸ دەرەجەسٸنە يە بولدى.
1993–1999 جىلدارى – «ا-ينۆەست» ينۆەستيتسييالىق-جەكەشەلەندٸرۋ قورىنىڭ باس مامانى; بٶلٸم باسشىسىنىڭ ورىنباسارى, قر ۇلتتىق ستاتيستيكا اگەنتتٸگٸنٸڭ باسقارما باسشىسى; قر ستاتيستيكالىق جوسپارلاۋ جەنە رەفورمالار جٶنٸندەگٸ اگەنتتٸگٸنٸڭ ستاتيستيكا جەنە تالداۋ كوميتەتٸ تٶراعاسىنىڭ ورىنباسارى; باس ساراپشى, ەكونوميكا سەكتورىنىڭ مەڭگەرۋشٸسٸ, قر پرەزيدەنتٸ ەكٸمشٸلٸگٸنٸڭ مەملەكەتتٸك ينسپەكتورى بولىپ قىزمەت اتقارعان.
1999–2003 جىلدارى — قر ستاتيستيكا اگەنتتٸگٸنٸڭ تٶراعاسى.
2003–2006 جىلدارى — قر سىرتقى ٸستەر ۆيتسە-مينيسترٸ, «ەكسپورتتىق نەسيەلەر مەن ينۆەستيتسييالاردى ساقتاندىرۋ جٶنٸندەگٸ مەملەكەتتٸك ساقتاندىرۋ كومپانيياسى» اق باسقارما تٶراعاسى.
2006–2009 جىلدارى — قر قارجى ۆيتسە-مينيسترٸ, «قازاگرو» ۇبح پرەزيدەنتٸ.
2009–2014 جىلدارى — قر ستاتيستيكا اگەنتتٸگٸنٸڭ تٶراعاسى.
2014–2015 جىلدارى — قر ۇلتتىق ەكونوميكا مينيسترلٸگٸنٸڭ ستاتيستيكا جٶنٸندەگٸ كوميتەتٸنٸڭ تٶراعاسى.
2015–2018 جىلدارى — قر پرەزيدەنتٸنٸڭ كٶمەكشٸسٸ.
2018 جىلعى قىركٷيەكتەن باستاپ 2019 جىلعى اقپانعا دەيٸن — قارجى مينيسترٸ.
2019 جىلعى 25 اقپاندا پرەزيدەنت جارلىعىمەن پرەمەر-مينيستردٸڭ بٸرٸنشٸ ورىنباسارى – قارجى مينيسترٸ قىزمەتٸنە تاعايىندالدى. 2021 جىلى 18 قاڭتاردا قر پرەزيدەنتٸنٸڭ جارلىعىمەن وسى قىزمەتٸنە قايتا تاعايىندالدى.
2022 جىلعى 11 قاڭتاردا قر پرەزيدەنتٸنٸڭ جارلىعىمەن قر پرەمەر-مينيسترٸ لاۋازىمىنا تاعايىندالدى.
