قر پرەمەر-مينيسترٸ ەليحان سمايىلوۆ دەپۋتاتتىق ساۋالعا بەرگەن جاۋابىندا جەزقازعان-ۇلىتاۋ ٶڭٸرٸندەگٸ تۇرعىندار اراسىندا ونكولوگييالىق اۋرۋلاردىڭ كٶبەيۋٸنە زىمىران تاسىعىش بٶلشەكتەردٸڭ قۇلاۋى ەسەر ەتۋ مٷمكٸندٸگٸ تۋرالى پٸكٸر بٸلدٸردٸ, دەپ حابارلايدى قازاقپارات.
«بٷگٸنگٸ تاڭدا زەرتتەۋ نەتيجەلەرٸ بويىنشا الىنعان دەرەكتەر زىمىران-عارىش قىزمەتٸنٸڭ تٸرشٸلٸك ەتۋ ورتاسىنىڭ جاي-كٷيٸنە جەنە تاسىمالداعىش زىمىرانداردان بٶلٸنەتٸن بٶلٸكتەردٸڭ قۇلاۋ اۋداندارىمەن شەكتەس اۋماقتاعى ەلدٸ مەكەندەر تۇرعىندارىنىڭ دەنساۋلىعىنا تٸكەلەي ەسەرٸن راستالماعانىن كٶرسەتەدٸ. گەپتيل زىمىران وتىنىنىڭ دەپۋتاتتىق سۇراۋدا سيپاتتالعان پاتولوگيياعا قاتىسى جوق. ٶيتكەنٸ «پروتون-م» زىمىران تاسىعىشىنان بٶلٸنەتٸن بٶلٸكتەردٸڭ قۇلايتىن اۋدانداردا ەلدٸ مەكەندەر جوق», - دەپ دەدٸ ەليحان سمايىلوۆ دەپۋتاتتىق ساۋالعا بەرگەن جاۋابىندا.
ونىڭ ايتۋىنشا, «پروتون-م» زىمىران تاسىعىشىنىڭ قۇلاۋ اۋدانى جەزقازعان قالاسىنان 73,3 شاقىرىم جەردە ورنالاسقان.
«بايقوڭىر» كەشەنٸ بويىنشا قازاقستان-رەسەي ٷكٸمەتارالىق كوميسسيياسىنىڭ 2014 جىلعى 24 قاراشاداعى وتىرىسى اياسىندا قازاقستان رەسپۋبليكاسىنىڭ قورشاعان ورتاسىنا ەكولوگييالىق جٷكتەمەنٸ ازايتۋ ٷشٸن 2017 جىلدان باستاپ گەپتيل جاعاتىن «پروتون-م» زىمىران تاسىعىشىن ۇشىرۋدى قىسقارتۋ (2017 جىلى 2-ۇشىرۋ وپەراتسيياسى, 2020 جىلى تاعى 2 وپەراتسييا قىسقارتىلدى. 2025 جىلى 5 – كە دەيٸن) جەنە بۇل ساناتتاعى زىمىران تاسىعىشتاردىڭ ۇشۋىن مٷلدە توقتاتۋ كٶزدەلگەن», - دەپ جازادى ٷكٸمەت باسشىسى.
جاۋاپتا جەزقازعان-ۇلىتاۋ ٶڭٸرٸندەگٸ حالىقتىڭ اراسىندا ونكولوگييالىق اۋرۋلاردىڭ ارتۋ سەبەبٸن زەرتتەۋ قولعا الىنعانى ايتىلعان.
«سونىمەن قاتار قاراعاندى وبلىسىنىڭ جەزقازعان-ۇلىتاۋ ٶڭٸرٸندەگٸ ونكولوگييالىق اۋرۋلاردىڭ ٶسۋ سەبەپتەرٸن زەرتتەۋ ماقساتىندا ەكولوگييا, گەولوگييا جەنە تابيعي رەسۋرستار مينيسترٸنٸڭ 2022 جىلعى 4 ناۋرىزداعى 69-ٶ بۇيرىعىمەن مٷددەلٸ مەملەكەتتٸك ورگاندارمەن جەنە ٶڭٸردٸڭ جۇرتشىلىق ٶكٸلدەرٸمەن بٸرلەسٸپ ۆەدومستۆوارالىق كوميسسييا قۇرىلدى», - دەلٸنگەن جاۋاپتا.
