مەملەكەت باسشىسى سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
اليك شپەكباەۆ قاسىم-جومارت توقاەۆقا سىبايلاس جەمقورلىققا قارسى ٸس-قيمىل اگەنتتٸگٸنٸڭ بيىلعى 7 ايدا اتقارعان جۇمىستارىنىڭ نەگٸزگٸ قورىتىندىلارى تۋرالى ەسەپ بەردٸ. اگەنتتٸك تٶراعاسى ساياسي مەملەكەتتٸك قىزمەتشٸلەر مەن جاۋاپتى باسشىلاردى سىبايلاس جەمقورلىققا قارسى شارا قولدانباعانى ٷشٸن قىزمەتٸنەن بوساتۋعا جەنە نورماتيۆتٸك-قۇقىقتىق اكتٸلەردٸ جەمقورلىققا قارسى ساراپتامادان ٶتكٸزۋدٸ قالپىنا كەلتٸرۋگە قاتىستى مەملەكەت باسشىسىنىڭ بۇعان دەيٸن بەرگەن تاپسىرمالارىنىڭ ورىندالۋى تۋرالى باياندادى.
پرەزيدەنت مەملەكەتتٸك ورگانداردىڭ جۇمىسىنا قىزمەت كٶرسەتۋ مودەلٸن ەنگٸزۋدٸڭ ماڭىزدىلىعىن اتاپ ٶتٸپ, اگەنتتٸكتٸڭ ازاماتتىق قوعام ٶكٸلدەرٸمەن بٸرگە سىبايلاس جەمقورلىقتىڭ الدىن الۋ جەنە ادالدىق يدەولوگيياسىن ٸلگەرٸلەتۋ جٶنٸندەگٸ ٸس-قيمىلدارىنا وڭ باعا بەردٸ.
كەزدەسۋ سوڭىندا مەملەكەت باسشىسى 19 تامىز كٷنٸ سىبايلاس جەمقورلىققا قارسى ٸس-قيمىل جٶنٸندەگٸ كەڭەستە جەمقورلىق قىلمىستار ٷشٸن جاۋاپكەرشٸلٸكتٸ قاتاڭداتىپ, قوعامدىق باقىلاۋدىڭ تيٸمدٸلٸگٸن ارتتىرۋعا قاتىستى بەرٸلگەن تاپسىرمالاردى تەزٸرەك زاڭ جٷزٸندە ٸسكە اسىرۋدىڭ قاجەت ەكەنٸن ايتتى.
