ٶمٸرگە تٶزٸمدٸلٸكتٸڭ, ٶمٸرگە دەگەن ماحاباتتىڭ سيمۆولىنا اينالعان نيك ۆۋيچيچ سەكٸلدٸ ەلي دە قازاقستاننىڭ ەلشٸسٸ بولا الادى. مەدەنيەت جەنە سپورت مينيسترٸ اقتوتى رايىمقۇلوۆا ەلي تۇرعانبەكوۆ جايلى وسىلاي ايتتى, دەپ حابارلايدى قازاقپارات.
«بٷكٸل قازاقستان شىدامدىلىق پەن ٶمٸرگە دەگەن سٷيٸسپەنشٸلٸكتٸڭ ٷلگٸسٸن كٶرسەتٸپ وتىرعان ەليگە زور ماقتانىشپەن قارايدى. بٸز ەلي سەكٸلدٸ بالالاردى, مٷمكٸندٸگٸ شەكتەۋلٸ جانداردى, كٶپبالالى وتباسىلاردى قولدايتىن ازاماتتارعا زور قۇرمەتپەن قارايمىز. قاراپايىم ازامات ەرٸ جاۋاپتى ورگاننىڭ باسشىسى رەتٸندە كٶمەككە مۇقتاج ادامداردى قولداۋعا بارىنشا تىرىسامىز. ٶزدەرٸڭٸز بٸلەتٸندەي, حالىقارالىق سايىستاردان ورىن العان جاس ٶرەندەرٸمٸز جەتەرلٸك. بٸز ولاردى بالا كەزدەن قولداساق دەيمٸز. سونداي بولاشاعىنان ٷمٸتتٸ بالالار بٸزدٸڭ كەسٸبي مەكتەپتەردە وقۋى ٷشٸن جۇمىس جٷرگٸزۋدەمٸز», - دەدٸ اقتوتى رايىمقۇلوۆا وكق-دا ٶتكەن باسپاسٶز مەسليحاتىندا.
مينيستر ٶز سٶزٸندە ەليمەن ەلٸ كەزدەسپەگەنٸن مويىندادى. ايتۋىنشا, ەلەمگە اتى شىققان فۋتبول جۇلدىزدارىمەن دوستاسقان بالامەن كەزدەسۋ جوسپارىندا بار.
«ونىڭ ىستانبۇلدا بولىپ, جەڭٸمپاز ليۆەرپۋل كومانداسىمەن الاڭعا شىققانىن بٸلەمٸن. بٸز ەليمەن مٸندەتتٸ تٷردە كەزدەسەمٸز. ٶمٸرگە تٶزٸمدٸلٸكتٸڭ, ٶمٸرگە دەگەن ماحاباتتىڭ سيمۆولىنا اينالعان ۆۋيچيچ سەكٸلدٸ ەلي دە قازاقستاننىڭ ەلشٸسٸ بولا الادى. ول - قازٸردٸڭ ٶزٸندە بٸزدٸڭ قازاقستاندىقتاردىڭ بٷكٸل ەلەمدەگٸ ەلشٸسٸ. ٶز تاراپىمىزدان ونى ارى قاراي دا قولدايتىن بولامىز», - دەدٸ مينيستر ٶز سٶزٸندە.
اقتوتى رايىمقۇلوۆا پاراوليمپيادالىق سپورت تٷرلەرٸنە ەرەكشە ماڭىز بەرٸلٸپ كەلە جاتقانىن دا ايتىپ ٶتتٸ.
ەسكە سالا كەتسەك, قازاقستاندىق «نيك ۆۋيچيچ» اتانعان ەلي تۇرعانبەكوۆ ٶز قولىمەن اعىلشىننىڭ ليۆەرپۋل ويىنشىلارىنا ۋەفا سۋپەركۋبوگىن تابىستاعان بولاتىن.
جٸگەرلٸ جاس بالانىڭ تٶزٸمدٸلٸگٸ مەن ٶرلٸگٸنە پرەزيدەنت قاسىم-جومارت توقاەۆ تا ىقىلاسىن بٸلدٸرٸپ جاتىر.
