امەريكالىق وتباسى اسىراپ العان ەتنيكالىق قازاق قىزى ەيجا بەرگەر ٶزٸنٸڭ بيولوگييالىق اتا-اناسىن ٸزدەيدٸ, دەپ حابارلايدى قازاقپارات.
«مەنٸڭ اتىم - ەيجا. بۇل اسىراپ العان اتا-انام بەرگەن ەسٸم. باستاپقىداعى اتى-جٶنٸم سالتانات اشقىنوۆا بولعان. مەنٸ سەمەي قالاسىنان 2001 جىلى 16 ايلىق كەزٸمدە اسىراپ العان. ٶزٸمنٸڭ بيولوگييالىق اتا-انامدى تابۋعا شەشٸم قابىلدادىم. اتا-انامدى تابۋعا دەگەن نيەت بارلىق ۋاقىتتا دا بولعان ەدٸ», - دەدٸ بويجەتكەن Facebook پاراقشاسىندا جۋرناليست تالعات المانوۆقا بەرگەن سۇحباتىندا
ەيجا بيولوگييالىق اتا-اناسىن ٸزدەيتٸندٸگٸن Facebook-تەگٸ Kazakh American Association (قازاقستاندىق-امەريكالىق قاۋىمداستىق) پابليگٸندە جازعان-دى.
«مەنٸڭ تەگٸم - بەرگەر (Berger), فلوريدادا تۇرامىن. ەكٸ ەپكەم بار, وتباسىداعى ورتانشى بالامىن, جاسىم 20-دا. كوللەدجدە بٸلٸم الىپ جاتىرمىن. وتباسىمىز ٶتە تاتۋ, بٸز ۋاقىتتى بٸرگە ٶتكٸزگەندٸ جاقسى كٶرەمٸز», - دەپ اتاپ ٶتەدٸ ول.
ونىڭ ايتۋىنشا, بارلىق ۋاقىتتا دا ٶزٸن اسىراپ العاندىعىن بٸلگەن. مۇنى امەريكالىق اتا-اناسى دا جاسىرماعان.
«اتا-انام اسىراپ الۋ پروتسەسٸ جايىندا ايتقان بولاتىن. بٸراق, كٶپ مەن-جايدى ەگجەي-تەگجەيلٸ بٸلمەيمٸن. ەڭ باستىسى پروتسەستٸڭ ٶتە كٶپ كەزەڭنەن تۇرعاندىعىن ايتقان. باستاپقىدا مەن ولاردىڭ جوسپارىندا بولماعان ەكەنمٸن. اتا-انام كٸشكەنتاي ۇل بالا اسىراپ الۋعا نيەتتەنگەن. وسىلايشا, مەن توسىن تاڭداۋ بولىپپىن», - دەدٸ ەيجا.
سونىمەن قاتار, ول تۋعان اتا-اناسىن ٸزدەۋگە نەلٸكتەن شەشٸم قابىلداعاندىعىن دا ايتىپ بەردٸ.
«بارلىق ۋاقىتتا قولىم بوس بولعان ەمەس. جاقسى كٶرەتٸن وتباسىم, جايلى ٶمٸرٸم بار. بٸراق, ەسەيٸپ, تەۋەلسٸز بولا تٷسكەنٸمدٸ تٷسٸنەمٸن. شەشٸمٸمدٸ ەپكەلەرٸم دە قولداپ وتىر. بيولوگييالىق اتا-اناما ەشقانداي جات سەزٸمٸم, ٶكپە-رەنٸشٸم جوق. ەش ۋاقىتتا كٸنە تاقپايمىن دا», - دەدٸ ەيجا.
قازٸرگٸ ۋاقىتتا ٶنەر مەكتەبٸندە بٸلٸم الىپ, سەن ينۋستريياسىنداعى مەنەدجمەنت پەن ماركەتينگتٸڭ قىر-سىرىن مەڭگەرٸپ جٷرگەن ەيجا تۋعان اناسىمەن كەزدەسكەن سەتتە نە ايتۋى مٷمكٸن ەكەندٸگٸمەن دە بٶلٸستٸ.
«اناما نە ايتارىمدى ەزٸرشە بٸلمەيمٸز. ەگەر, بٸردەڭە ايتار مٷمكٸندٸگٸم تۋاتىن بولسا, وندا العىسىمدى بٸلدٸرەتٸن ەدٸم. ول مەنٸ, ٶزٸنٸڭ تۋعان بالاسىن بٸرەۋگە بەرۋگە مەجبٷر بولعانىنا ٶكٸنەمٸن. قۇجاتتارعا سەيكەس مەن بيولوگييالىق انامنىڭ ەكٸنشٸ بالاسى ەكەنمٸن. وعان راحمەتٸمدٸ ايتارمىن. سەبەبٸ, قازٸرگٸ ٶمٸرٸم تاماشا», - دەدٸ ول.
سۇحبات بارىسىندا ەيجاعا تۋعان اناسىنىڭ ەسٸمٸ - قۇرالاي اشقىنوۆا, ال ەكەسٸنٸڭ اتى قۋات اشقىنوۆ ەكەنٸ ايتىلدى.
