«استانا ەكسپو-2017» ۇلتتىق كومپانيياسىنىڭ باسقارما تٶراعاسى احمەتجان ەسٸموۆ دٷيسەنبٸ كٷنٸ حالىقارالىق كٶرمەگە قاتىسۋشى 5 مەملەكەتكە, اتاپ ايتقاندا قىتاي, فرانتسييا, گەرمانييا, ۆەنگرييا جەنە تٷركيياعا العاشقى پاۆيلونداردى تاپسىردى. بۇل تۋرالى vlast.kz سايتى حابارلايدى.
«بٸز ٷشٸن, بٸزدٸڭ ۇلتتىق كومپانييا ٷشٸن ەرەكشە كٷن بولىپ وتىر. سەبەبٸ حالىقارالىق پاۆيلوندار, 1374 ورىنعا ارنالعان ەكسپو-قالاشىق, ەكسپو-كەڭسە, ٸشكٸ ٸستەر بٶلٸمٸنٸڭ عيماراتى جەنە ەنەرگييانى زەرتتەۋ ورتالىعى سەكٸلدٸ كٶرمەنٸڭ بەس نەگٸزگٸ نىسانىنىڭ قۇرىلىسى اياقتالدى. اتالعان عيماراتتاردىڭ جالپى اۋماعى 482 مىڭ شارشى مەتردٸ قۇرايدى», - دەپ مەلٸمدەدٸ ەسٸموۆ پاۆيلونداردى تاپسىرۋدىڭ سالتاناتتى شاراسى بارىسىندا.
بٷگٸنگٸ كٷن «مازمۇندىق تولىقتىرۋدىڭ بەلسەندٸ كەزەڭٸنٸڭ باستالۋىن» بٸلدٸرەتٸندٸگٸمەن ماڭىزدى دەپ اتاپ ٶتتٸ ەسٸموۆ.
«كٶرمەنٸڭ اشىلۋىنا 222 كٷن قالعاندا بٸز پاۆيلوندار مەن تۇرعىن ٷيلەردٸ تاپسىرۋدى باستادىق. بۇل ۋاقىت پاۆيلوندارىمىزدى ساپالى تٷردە تولتىرۋ ٷشٸن جەتكٸلٸكتٸ بولادى دەپ ويلايمىن. ەكٸجاقتى بايلانىستى قامتاماسىز ەتۋ ٷشٸن ارنايى تەحنيكالىق بيۋرو اشىلدى, سونىمەن قاتار اككرەديتاتسييالىق ورتالىق جۇمىسىن باستايدى», - دەپ حابارلادى ۇلتتىق كومپانييا باسشىسى.
«ٶزدەرٸڭٸز كٶرٸپ وتىرعانداي, بٸز سٸزدەرگە زاڭ كەڭەستەرٸنەن باستاپ ٶزگەدەي ۇيىمداستىرۋ مەسەلەلەرٸنە دەيٸن قامتيتىن كٶرمە قاتىسۋشىلارىنا ارنالعان جان-جاقتى كٶمەك كٶرسەتۋگە ەزٸرمٸز», - دەپ سٶزٸن جالعاستىردى ول.
ەسٸموۆ ەكسپو جوباسىنىڭ كٷردەلٸ داعدارىس ۋاقىتىندا جٷزەگە اسىرىلىپ جاتقانىن ەسكە سالىپ كەتتٸ. الايدا «مەملەكەت باسشىسىنىڭ تولىققاندى قولداۋىمەن» ول «داعدارىسقا قارسى ەڭ شىنايى باعدارلامالاردىڭ بٸرٸنە» اينالدى. كٶرمە قۇرىلىسى مەن دايىندىعىنا قازاقستاننىڭ بارلىق دەرلٸك ايماعىنداعى 300-دەن استام وتاندىق كەسٸپورىن جۇمىلدىرىلعان.
«وسىلايشا جوبا 50 مىڭداي جۇمىس ورنىن قۇرىپ, ساقتاپ قالۋعا مٷمكٸندٸك بەردٸ. تەك وسى قۇرىلىس الاڭىنىڭ ٶزٸندە عانا 14 مىڭ ادام جۇمىسپەن قامتىلعان», - دەدٸ ول.
كومپانييا باسشىسىنىڭ سٶزٸنە قاراعاندا, بۇدان بٶلەك نىساندار قۇرىلىسى كەزٸندە جەرگٸلٸكتٸ كومپانييالار 492 ملرد تەڭگەنٸ قۇرايتىن سوماعا جۇمىس اتقارىپ, قىزمەت كٶرسەتكەن.
«سفەرا» ۇلتتىق پاۆيلونى, كونگرەسس-حولل جەنە قوناق ٷي سەكٸلدٸ كٶرمەنٸڭ ٶزگە نىساندارى بويىنشا دا جۇمىس كەستەگە سەيكەس جٷرگٸزٸلٸپ وتىر. كەلەسٸ جىلى قوعامدىق ورىنداردى ەزٸرلەۋدٸ, اۋماقتى اباتتاندىرۋدى ۇيىمداستىرۋ جوسپارلانۋدا», - دەدٸ كومپانييا تٶراعاسى.
كومپانييا ٶكٸلدەرٸنٸڭ ايتۋىنشا, ۆەنگرييا پاۆيلونىنىڭ اۋماعى 411,9 شارشى مەتردٸ قۇرايدى. ۇيىمداستىرۋشىلاردىڭ سٶزٸنە قاراعاندا, «بولاشاق ەنەرگيياسى بٸزدٸ بٸرٸكتٸرەدٸ» دەگەن پاۆيلون تاقىرىبى ەلدەگٸ ەنەرگييانىڭ قولجەتٸمدٸ كٶزدەرٸنٸڭ گەوگرافييالىق جەنە ەكونوميكالىق ەرەكشەلٸكتەرٸنە نەگٸزدەلگەن. پاۆيلون سۋ, كٷن جەنە جەل ەلٸ بولىپ تابىلاتىن ۆەنگرييانىڭ سيپاتىن اشا تٷسٸپ, ەلەكتر جەنە قالالىق جوسپارلاۋ سالاسىنداعى ەڭ سوڭعى قۇرىلعىلاردى كٶرسەتەدٸ. سونىمەن قاتار 2017 جىلدىڭ 20 تامىزى كٶرمە اياسىنداعى ۆەنگرييانىڭ ۇلتتىق كٷنٸ بولىپ انىقتالدى.
گەرمانييا پاۆيلونىنىڭ اۋماعى 1249,5 شارشى مەتردٸ قۇرايدى جەنە «ەنەرگيياعا باستار جولدا» دەپ اتالادى. فرانتسييا 1069,1 شارشى مەتردەن تۇراتىن پاۆيلونعا يە بولىپ, ونى «جاسىل دامۋعا ارنالعان ەنەرگەتيكالىق بۇرىلىس» دەپ اتادى. جاسىل ەنەرگەتيكا سالاسىنداعى ٶز جۇمىستارىن فرانتسييا بولاشاق قالاسى, جاڭعىرتىلاتىن ەنەرگييا جەنە ەكولوگييالىق كٶلٸك تٷرلەرٸ اتتى ٷش تاقىرىپ اياسىندا ۇسىنادى. قىتاي 1000 شارشى مەتردٸ قۇرايتىن پاۆيلوندى الدى. «جاسىل جٸبەك جولى» اتتى بۇل نىساننىڭ ەرەكشەلٸگٸ قحر-دٸڭ جٸبەك جولىنىڭ بويىنداعى جەنە بٷكٸل ەلەمدەگٸ مەملەكەتتەرمەن ەنەرگەتيكالىق سەرٸكتەستٸگٸنٸڭ جاڭا ويىن اشىپ كٶرسەتەتٸن بولاشاق ەنەرگيياسىنىڭ ارمان تەاترى بولماق.
ۇلت پورتالى
