قىزىلوردادا ەر ادام دوستارىمەن بٸرگە ەلەۋمەتتٸك جەلٸ ارقىلى تانىسقان شىمكەنتتٸك قىزدى توناپ كەتتٸ.
20 قاراشا كٷنٸ ساعات 06:27-دە قىزىلوردا قالاسىنىڭ پوليتسييا باسقارماسىنا شىمكەنت تۇرعىنى ارىزدانعان. ايتۋىنشا, قىزىلوردالىق جٸگٸت ونىڭ ٷيٸنە كەلٸپ, قورقىتىپ, ۇيالى تەلەفونى مەن اقشاسىن تارتىپ العان, دەپ حابارلايدى Sputnik قازاقستان اگەنتتٸگٸ Polisia.kz سايتىنا سٸلتەمە جاساپ.
بۇل فاكتٸگە قاتىستى قىلمىستىق كودەكستٸڭ 191-بابى 2-تارماعى 1-تارماقشاسى (ادامدار توبىنىڭ الدىن الا سٶز بايلاسۋىمەن جاسالعان توناۋ) بويىنشا سوتقا دەيٸنگٸ تەرگەۋ باستالدى.
تەرگەۋ بارىسىندا جەبٸرلەنۋشٸ ەلەۋمەتتٸك جەلٸدە بٸر ازاماتپەن تانىسىپ, ونى ٶز ٷيٸنە شاقىرعانى انىقتالدى. شامامەن 30 مينۋتتان كەيٸن قىزدىڭ ٷيٸنە ەكٸ ەر ادام – تانىسقان جٸگٸتٸ مەن ونىڭ دوسى كەلگەن. ارتىنان تاعى ەكٸ ەر ادام كٸرگەن. تٶرتەۋٸ قوسىلىپ, قىزدى قورقىتىپ, ۇيالى تەلەفونى مەن اقشاسىن تارتىپ الىپ كەتكەن.
جەدەل ٸزدەستٸرۋ شارالارى كەزٸندە پوليتسييا قالانىڭ ەكٸ تۇرعىنىن "ٸزٸن سۋىتپاي" ۇستادى. ولاردان زاتتاي ايعاقتار تەركٸلەندٸ. كٷدٸكتٸلەر ٶز كٸنەسٸن تولىعىمەن مويىندادى, قاماۋعا الىندى.
قازٸرگٸ تاڭدا ولاردىڭ سىبايلاستارى ٸزدەستٸرٸلۋدە.
