ەلەۋمەتتٸك قىزمەتتەر پورتالىندا پايدالانۋشىلار ٷشٸن قىزمەت الۋ پروتسەسٸن جەڭٸلدەتەتٸن جەنە قاۋٸپسٸزدٸگٸن ارتتىراتىن بٸرقاتار جاڭا تسيفرلىق مٷمكٸندٸك ەنگٸزٸلدٸ, دەپ حابارلايدى ult.kz.
ەندٸ پورتال ارقىلى بەرٸلەتٸن تاپسىرىستاردى QR-كود نەمەسە ەلەكتروندىق تسيفرلىق قولتاڭبا (ەتسق) ارقىلى راستاۋعا بولادى. پايدالانۋشىلار ٶزدەرٸنە قولايلى تەسٸلدٸ ٶزدەرٸ تاڭداي الادى.
مامانداردىڭ ايتۋىنشا, QR-كود ارقىلى قول قويۋ مٷمكٸندٸگٸ ەتسق-نى ٷشٸنشٸ تۇلعالارعا بەرۋ تەۋەكەلٸن ازايتىپ, قىزمەت كٶرسەتۋ قاۋٸپسٸزدٸگٸن كٷشەيتەدٸ.
سونىمەن قاتار, پورتالدا تاۋاردى SMS-كود ارقىلى راستاۋ جٷيەسٸ ٸسكە قوسىلدى. تاۋار جەتكٸزٸلگەندە نەمەسە ونى الۋشى ٶزدٸگٸنەن الىپ كەتكەن جاعدايدا, ونىڭ ۇيالى تەلەفونىنا بٸر رەتتٸك SMS-كود جٸبەرٸلەدٸ. كود راستالعاننان كەيٸن تاپسىرىس اۆتوماتتى تٷردە «ورىندالدى» مەرتەبەسٸنە اۋىسادى. بۇل تەتٸك تاۋاردى بەرۋ پروتسەسٸنٸڭ اشىقتىعى مەن سەنٸمدٸلٸگٸن قامتاماسىز ەتۋگە باعىتتالعان.
بۇدان بٶلەك, Aleumet پورتالىندا تەحنيكالىق وڭالتۋ قۇرالدارىن الۋشىلارعا ارنالعان ونلاين ساۋالناما قولجەتٸمدٸ بولدى. ازاماتتار تەحنيكالىق قۇرالداردىڭ قۇنى, قوسىمشا تٶلەم مٶلشەرٸ جەنە ولاردى ساتىپ الۋ قولايلىلىعى جٶنٸندە ٶز پٸكٸرلەرٸن بٸلدٸرە الادى.
ال Inva.gov.kz پورتالىندا وبەكتٸلەردٸڭ قولجەتٸمدٸلٸگٸن باعالاۋعا ارنالعان ونلاين ٶزٸن-ٶزٸ باعالاۋ ساۋالناماسى ٸسكە قوسىلدى. ونىڭ كٶمەگٸمەن عيمارات يەلەرٸ مەن بيزنەس ٶكٸلدەرٸ ٶز نىساندارىنىڭ مٷمكٸندٸگٸ شەكتەۋلٸ ازاماتتار ٷشٸن قانشالىقتى قولجەتٸمدٸ ەكەنٸن باعالاپ, انىقتالعان كەدەرگٸلەردٸ جويۋعا قاتىستى ۇسىنىمدار الا الادى.
مامانداردىڭ ايتۋىنشا, ەلەۋمەتتٸك قىزمەتتەر پورتالىن جەتٸلدٸرۋ جۇمىستارى الداعى ۋاقىتتا دا جالعاسادى. جاڭا تسيفرلىق شەشٸمدەر ەلەۋمەتتٸك قىزمەتتەردٸڭ قولجەتٸمدٸلٸگٸ مەن پايدالانۋشىلارعا قولايلىلىعىن ارتتىرۋعا باعىتتالعان.
