Áleýmettik qyzmetter portalynda paidalanýshylar úshin qyzmet alý protsesin jeńildetetin jáne qaýipsizdigin arttyratyn birqatar jańa tsifrlyq múmkindik engizildi, dep habarlaidy ult.kz.
Endi portal arqyly beriletin tapsyrystardy QR-kod nemese elektrondyq tsifrlyq qoltańba (ETsQ) arqyly rastaýǵa bolady. Paidalanýshylar ózderine qolaily tásildi ózderi tańdai alady.
Mamandardyń aitýynsha, QR-kod arqyly qol qoiý múmkindigi ETsQ-ny úshinshi tulǵalarǵa berý táýekelin azaityp, qyzmet kórsetý qaýipsizdigin kúsheitedi.
Sonymen qatar, portalda taýardy SMS-kod arqyly rastaý júiesi iske qosyldy. Taýar jetkizilgende nemese ony alýshy ózdiginen alyp ketken jaǵdaida, onyń uialy telefonyna bir rettik SMS-kod jiberiledi. Kod rastalǵannan keiin tapsyrys avtomatty túrde «Oryndaldy» mártebesine aýysady. Bul tetik taýardy berý protsesiniń ashyqtyǵy men senimdiligin qamtamasyz etýge baǵyttalǵan.
Budan bólek, Aleumet portalynda tehnikalyq ońaltý quraldaryn alýshylarǵa arnalǵan onlain saýalnama qoljetimdi boldy. Azamattar tehnikalyq quraldardyń quny, qosymsha tólem mólsheri jáne olardy satyp alý qolailylyǵy jóninde óz pikirlerin bildire alady.
Al Inva.gov.kz portalynda obektilerdiń qoljetimdiligin baǵalaýǵa arnalǵan onlain ózin-ózi baǵalaý saýalnamasy iske qosyldy. Onyń kómegimen ǵimarat ieleri men biznes ókilderi óz nysandarynyń múmkindigi shekteýli azamattar úshin qanshalyqty qoljetimdi ekenin baǵalap, anyqtalǵan kedergilerdi joiýǵa qatysty usynymdar ala alady.
Mamandardyń aitýynsha, áleýmettik qyzmetter portalyn jetildirý jumystary aldaǵy ýaqytta da jalǵasady. Jańa tsifrlyq sheshimder áleýmettik qyzmetterdiń qoljetimdiligi men paidalanýshylarǵa qolailylyǵyn arttyrýǵa baǵyttalǵan.
