بٷگٸن الماتىداعى دوستىق ٷيٸندە بۇۇ-نىڭ 6 تٸلٸنە اۋدارىلعان قازٸرگٸ قازاق ەدەبيەتٸ انتولوگيياسىنىڭ العاشقى كٸتابىنىڭ تانىستىرىلىمى ٶتتٸ.
پوەزييا جەنە پروزا جيناقتارىنىڭ تانىستىرىلىمىنا وسى جوباعا قاتىسقان ۇلىبريتانييا, يسپانييا, فرانتسييا, رەسەي, قىتاي جەنە ەگيپەت اۋدارماشىلارى مەن ەدەبيەتشٸلەرٸ, اۋدارما جەنە باسپا ۇيىمدارىنىڭ باسشىلارى, شىعارمالارى قازٸرگٸ قازاق ەدەبيەتٸ انتولوگيياسىنا ەنگەن اۆتورلار قاتىستى.
قازاق ەدەبيەتٸنٸڭ ٷزدٸك تۋىندىلارىن اۋدارۋعا اتسالىسقان شەتەلدٸك باسپاگەرلەر مەن جاۋاپتى ٶكٸلدەردٸڭ اتالعان جوباعا قاتىستى وي-پٸكٸرلەرٸن بٸلگەن ەدٸك. مارحابات!
ەنني ميشەيليدوۋ, كەمبريدج ۋنيۆەرسيتەتٸ حالىقارالىق سەرٸكتەستٸك بٶلٸمٸنٸڭ جەتەكشٸسٸ (ۇلىبريتانييا):
- قازاق پروزاسى مەن پوەزيياسى انتولوگييالارىن اعىلشىن تٸلٸنە اۋدارىپ, جارييالاۋدى قازاقستان مەن ۇلىبريتانييا اراسىنداعى تابىستى قارىم-قاتىناسقا ٷلەس قوساتىن جوبا رەتٸندە باعالايمىز. «رۋحاني جاڭعىرۋ» باعدارلاماسىن جٷزەگە اسىرۋعا اتسالىسۋىمىز – بٸز ٷشٸن اسقان مەرتەبە جەنە بۇل قارىم-قاتىناسىمىز الدا دا جالعاسا بەرەدٸ دەپ سەنەمٸز.
قازاقستان رەسپۋبلياسىنىڭ تۇڭعىش پرەزدەنتٸ – ەلباسى نۇرسۇلتان نازارباەۆ باستاعان «رۋحاني جاڭعىرۋ» باعدارلاماسى – قازاقستان حالقىنىڭ ەلەۋەتٸن اشۋعا, ارتتىرۋعا ىقپال ەتەتٸن اۋقىمدى جوبا. وسى باعدارلاما ەكونوميكالىق رەفورمالاردى بٸلٸم بەرۋ, ٶنەر, ەدەبيەت جەنە تاريح سالاسىنداعى جاڭعىرۋمەن ۇشتاستىرماق.
تەري دە ليا كرۋا, «ميشەل دە مول» باسپاسىنىڭ ديرەكتورى (فرانتسييا):
- قازٸرگٸ قازاق ەدەبيەتٸ انتولوگييالارىن فرانتسۋز تٸلٸندە باسىپ شىعارۋ «ميشەل دە مول» باسپاسىنا بۇيىرعانى بٸز ٷشٸن ٷلكەن مەرتەبە. تەڭٸزبەن ۇشتاسقان كٶكجيەكككە باتاتىن كٷن سەۋلەسٸن شىعىسقا الا كەلٸپ, بٷگٸن وسى جيىنعا قاتىسۋ مەن ٷشٸن ٷلكەن قۋانىش.
قازاق حالقى وسى تاماشا باستامانىڭ ارقاسىندا اقشا مەن ەكونوميكا تۋرالى عانا ايتاتىن ەلەمگە ٶز جان دٷنيەسٸن تانىتۋعا مٷمكٸندٸك الدى. ٶز تاريحىن, سالت-دەتٷرٸن, ٶمٸردٸڭ پوەتيكالىق مەنٸن بايانداي باستادى. بۇل ٸستەرگە بٸز تەك سٷيسٸنە قىزىعا قارايمىز.
داۆيد فلورەس, اۋدارماشى, «ۆيزور» باسپاسىنىڭ ٶكٸلٸ (يسپانييا):
- بىلتىر قاراشا ايىندا دامۋ ماقساتىنداعى حالىقارالىق سەرٸكتەستٸك اگەنتتٸگٸنٸڭ قولداۋىمەن مادريدتە قازاقستان مەدەنيەتٸ مەن ەدەبيەتٸ ورتالىعى اشىلدى. قازٸرگٸ تاڭدا جٷزەگە اسىپ جاتقان زاماناۋي قازاق ەدەبيەتٸ انتولوگييالارىنىڭ يسپان تٸلٸنە اۋدارۋلىۋىمەن قاتار, وسى ەكٸ وقيعا قازاق ەدەبيەتٸ مەن مەدەنيەتٸنٸڭ يسپانتٸلدٸ ەلەمگە تانىلۋى مەن تارالۋىنا ىقپال ەتتٸ. بۇدان بىلاي دا قازٸرگٸ زامانعى قازاق اقىن-جازۋشىلارىنىڭ شىعارمالارى يسپان تٸلٸنە, ال يسپان ەدەبيەتٸ قازاق تٸلٸنە اۋدارىلىپ, ەدەبي ساباتاستىق جالعاسا بەرەدٸ دەگەن سەنٸمدەمٸز.
ابدۋلراحيم ابدۋلۋاحيد, «Media Hab» باسپاسىنىڭ ديرەكتورى:
- قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ باستاماسىمەن قولعا الىنعان «رۋحاني جاڭعىرۋ» سىندى ماڭىزدى ستراتەگييالىق باعدارلاما اياسىندا جٷزەگە اسىپ جاتقان «جاھانداعى زاماناۋي قازاقستاندىق مەدەنيەت» جوباسىنا ارالاسقانىما ٶزٸمدٸ ەرەكشە باقىتتى سەزٸنەمٸن. وسى جوبا اياسىندا قازاق ەدەبيەتٸ جاۋھارلارى اراب تٸلٸنە اۋدارىلۋى – قازاق ەلٸ مەن اراب ەلەمٸن بايلانىستىراتىن التىن كٶپٸر ٸسپەتتەس.
پياو ون رى (قىتاي):
- «جاھانداعى زاماناۋي قازاقستاندىق مەدەنيەت» قر تۇڭعىش پرەزيدەنتٸ – ەلباسى ن.ە. نازارباەۆتىڭ باستاماسىمەن قولعا الىنعان «رۋحاني جاڭعىرۋ» باعدارلاماسىنىڭ ماڭىزدى تارماعى. قازاقستان ەدەبيەتٸ مەن مەدەنيەتٸن ٶزگە ەلەمگە تانىستىرۋ بۇرىن-سوڭدى بولماعان جوبا. قىتاي مەن قازاق مەدەنيەتٸ ۇقساس. قىتايداعى «بٸر بەلدەۋ – بٸر جول» ستراتەگييالىق ٷندەۋٸ مەن قازاقستاننىڭ «نۇرلى جول» ستراتەگييالىق جوسپارى بارىنشا قابىسىپ, ەكٸ ەلدٸڭ مەدەنيەت اۋىس-تٷيٸسٸ ٷزدٸكسٸز تەرەڭدەپ كەلەدٸ. باسپامىز قازاقستاندا تىعىز قارىم-قاتىناس ورناتىپ, ەكٸ ەلدٸڭ تاڭداۋلى كٸتاپتارىن ٶزارا اۋدارىپ, باسىپ شىعارۋدا. وسى ورايدا ەكٸ ەل مەدەنيەتٸن بايلانىستىرۋشى كٶپٸر قىزمەتٸن اتقارىپ وتىرعانىمىزعا قۋانىشتىمىز.
ۇلت پورتالى
