ەلەمگە ەسٸمٸ بەلگٸلٸ ليۆييالىق ساياحاتشى اقتاۋعا جاياۋ جەتتٸ, دەپ حابارلايدى قازاقپارات.
بٷگٸندە ونىڭ تٶلقۇجاتىندا مٶر قوياتىن ورىن جوق. سەبەبٸ, ەلەمنٸڭ 140-تان اسا ەلٸندە بولعان. نۋريدٸڭ قازاقستانعا ساياحاتى وسى جىلدىڭ اقپان ايىندا باستالدى. وسى ۋاقىتقا دەيٸن ول ەلٸمٸزدٸڭ سولتٷستٸگٸ مەن وڭتٷستٸگٸن ارالاپ ٷلگەرگەن. جالپى, العاشقى ساياحاتىن 1998 جىلى باستادى. ونداعى ماقساتى – ليۆييادان بٷكٸل ەلەمگە جەنە ەلەمنەن ليۆيياعا بەيبٸتشٸلٸك, تاتۋلىق پەن مەيٸرٸمدٸلٸك جوداۋىن جەتكٸزۋ.
ەلەمدٸ جاياۋ شارلاعان نۋري كٶكتەمدە رەسەيگە جەتۋدٸ جوسپارلاعان. الايدا, جەر جاھاندى جايلاعان پاندەمييانىڭ سالدارىنان بارلىق جوسپارى كەيٸنگە قالدى. جيhانكەز قازاقستانعا كەلۋدٸ شەشكەن. سٶيتٸپ, ٷش مىڭداعان شاقىرىمدى ارتقا تاستاپ, كاسپيي جاعاسىنا كەلٸپ جەتتٸ.
«كاسپيي تەڭٸزٸ تۋرالى كٶپ ەستٸدٸم. وسى ەدەمٸلٸكتٸ ٶز كٶزٸممەن كٶرگٸم كەلٸپ, قۇلشىنىس پايدا بولدى. ەرەكشە اتاپ ٶتكٸم كەلەتٸنٸ مەنٸڭ جولىمدا ٸزگٸ نيەتتٸ ادامدار كٶپ كەزدەستٸ. سونىمەن قاتار ەڭ كەرەمەت دەگەن جەرلەردٸ كٶرۋٸمە كٶمەكتەستٸ. ادامدار: «سٸزگە ازىق-تٷلٸك, تاعامدار كەرەك پە? اقشادان قينالىپ جٷرگەن جوقسىز با? باسپانا كەرەك پە?», - دەپ سۇرايدى. مەن تٸپتٸ ازداپ سالماق قوستىم. سەبەبٸ ەر ەلدٸڭ ٶزٸندٸك تاعامدارىن جەيمٸن. ەندٸگٸ كەزەكتە بالىق جەيتٸن بولامىن», - دەدٸ جاياۋ ساياحاتتاۋشى نۋري فۋناس.
جيھانكەز مۇنداي ۇزاق جول تۋرالى بٸر مينۋتقا ٶكٸنبەيدٸ. وعان ىستىق تا, قاتال كليمات تا كەدەرگٸ ەمەس. وسى جىلدار ٸشٸندە نۋري كەز كەلگەن قاۋٸپتٸ جەڭۋگە ٷيرەنگەن. ول ساياحاتتاۋ كەزٸندە قيىنشىلىقتار بولعانىن دا اتاپ ٶتتٸ.
«جابايى جانۋارلار, قاسقىرلار كەزدەستٸ. الايدا, مەن بەرٸنە ٷيرەنگەنمٸن. وسىنداي وقيعالار كەزٸكسە ٶزٸمدٸ قالاي ۇستاۋدى بٸلەمٸن. ادامداردىڭ بەيبٸتشٸلٸك پەن كەلٸسٸمگە دەگەن سەنٸمٸن ۇيالاتۋدى ماقسات ەتٸپ قويعان بولاتىنمىن. مەن ادامداردى دٸنٸنە, نەسٸلٸنە قاراپ بٶلمەيمٸن. ادامزاتتىڭ بەرٸن جاقسى كٶرەمٸن», - دەدٸ ول.
نۋري فۋناس مىڭداعان شاقىرىمدى جٷرٸپ ٶتٸپ, ٶزٸنٸڭ ەرەكشە ميسسيياسىن ورىنداۋمەن كەلەدٸ. ول بەيبٸتشٸلٸكتٸ, ادامعا دەگەن ماحابباتىن, جاقىنىنا دەگەن سٷيٸسپەنشٸلٸك پەن مەيٸرٸمدٸلٸك قاتىناستاردى ورناتۋدى ماقسات تۇتادى.
قازاقستان – نۋري فۋناستىڭ ازيياداعى سوڭعى نٷكتەسٸ. كەيٸنٸرەك ول نۇر-سۇلتان قالاسىنا ۆيزاسىن ۇزارتۋ ماقساتىمەن بارۋدى كٶزدەپ وتىر. ودان كەيٸن رەسەي, ۋكرايناعا جول تارتپاق. ال بٷكٸل ەلەم بويىنشا ساياحاتى اياقتالعان سوڭ, نۋري فۋناس ليۆيياعا ورالىپ, وتاعاسى بولۋدى ارمانداپ وتىر.
