ەلەمدەگٸ ەڭ كەرٸ ادام يسپانييالىق ساتۋرنينو دە لا فۋەنتە گارسييا 113 جاسىندا ٶمٸردەن وزدى. بۇل تۋرالى سەيسەنبٸ كٷنٸ گيننەس رەكوردتار كٸتابىنىڭ سايتىندا جارييالاندى, دەپ حابارلايدى قازاقپارات.
گيننەس رەكوردتار كٸتابى ساتۋرنينو دە لا فۋەنتە گارسييانىڭ ٶز ٷيٸندە 112 جاس 341 كٷندە قايتىس بولعانىنا بايلانىستى كٶڭٸل بٸلدٸرەدٸ», - دەلٸنگەن حابارلامادا.
ەر ادام 2021 جىلدىڭ قىركٷيەگٸندە 112 جاس 211 كٷندە رەكوردسمەن اتانعان. سانتۋرنينو مەن ونىڭ ەيەلٸ انتونينانىڭ جەتٸ قىزى, 14 نەمەرەسٸ, 22 شٶبەرەسٸ بار, دەلٸنگەن حابارلامادا.
گيننەس رەكوردتار كٸتابىنىڭ اقپاراتىنا ساي, سانتۋرنينو 1909 جىلى يسپانييانىڭ لەون قالاسىندا دٷنيەگە كەلگەن. بويى كٸشكەنتاي بولعاندىقتان, يسپانيياداعى ازاماتتىق سوعىس جىلدارى ەسكەرگە شاقىرتىلماعان. ول ٶز ٸسٸن باستاپ, سولداتتارعا ارناپ اياق كيٸم تٸككەن.
