2025 جىلعا قاراي قازاقستان عىلىمدى دامىتۋ ٷشٸن جالپى ٸشكٸ ٶنٸمٸنٸڭ 1 پايىزىنا تەڭ قارجى بٶلە باستايدى. بۇل تۋرالى قر بٸلٸم جەنە عىلىم مينيسترلٸگٸ عىلىم كوميتەتٸنٸڭ تٶراعاسى جاننا قۇرمانعاليەۆا ورتالىق كوممۋنيكاتسييالار قىزمەتٸندە ٶتكەن بريفينگٸدە مەلٸم ەتتٸ, دەپ حابارلايدى قازاقپارات.
«بىلتىر بٸزدە عىلىمدى قالجىلاندىرۋ كٶلەمٸ جالپى ٸشكٸ ٶنٸمنٸڭ 0,13 پايىزى بولدى. بٸرتٸندەپ ٶسٸپ كەلە جاتىر. قابىلدانعان ۇلتتىق جوبا بويىنشا, عىلىمدى قارجىلاندىرۋ 2025 جىلى جالپى ٸشكٸ ٶنٸمنٸڭ 1 پايىزى – 1 ترلن تەڭگەگە جۋىق قاراجاتقا يە بولۋى كەرەك. بيىل بۇرىنعى كٶلەممەن سالىستىرساق, 70 پايىز ٶستٸ. عىلىمعا قاتىستى قاراجات بٸلٸم جەنە عىلىم مينيسترلٸگٸنەن بٶلەك 9 مينيسترلٸككە بٶلٸنەدٸ. بۇل قاراجاتتىڭ ارقاسىندا تەك بٸلٸم جەنە عىلىم مينيسترلٸگٸنٸڭ تاراپىنان 1160 گرانت جوباسى, ونىڭ ٸشٸندە جاس عالىمداردىڭ 315 جوباسى جەنە 59 ناقتى باعدارلاما قارجىلاندىرىلىپ وتىر», - دەگەن ۆەدومستۆو ٶكٸلٸ قازٸر عىلىمعا ەلدٸڭ جالپى ٸشكٸ ٶنٸمٸنٸڭ نەشە پايىزى جۇمسالىپ جاتقانىن جەتكٸزدٸ.
«جالپى ەلەمدٸك تەجٸريبەدە عىلىمدى قارجىلاندىرۋ كٶلەمٸ جالپى ٸشكٸ ٶنٸمنٸڭ 1 پايىزىنان ارتىق بولسا, سونداي ەلدەردە عانا عىلىم بار دەپ ەسەپتەلەدٸ. بٸر مىسال كەلتٸرەيٸن, ەلەمدەگٸ عىلىمدى ادامزاتتىڭ ميى دەپ سانايىق. ادام اعزاسىنداعى ەنەرگييانىڭ 20 پايىزى ميىمىزعا كەتەدٸ. سوندا عىلىم سالاسىن ادامزاتتىڭ ميى دەپ ساناساق, ەلەمدە ەڭ الپاۋىت ەلدەر عىلىمعا جالپى ٸشكٸ ٶنٸمنەن 4-5 پايىز قاراجات بٶلەدٸ. سونىڭ ٶزٸندە عىلىم سالاسى ٷلكەن جەتٸستٸكتەرگە جەتٸپ جاتىر. بٸزدە 2019 جىلى عىلىمعا جۇمساعان ەڭ تٶمەن قاراجاتتىڭ كٶلەمٸ جالپى ٸشكٸ ٶنٸمنٸڭ 0,12 پايىزىن قۇرادى. ول – ٶتە تٶمەن كٶرسەتكٸش. بٸراق تەك قانا مەملەكەتكە تيەسٸلٸ ەمەس», - دەدٸ كوميتەت باسشىسى.
ايتۋىنشا, ەلەمدە عىلىمنىڭ ٷشتەن ەكٸ بٶلٸگٸن مەملەكەتتەر ەمەس, بيۋدجەت ەمەس, ٸرٸ كومپانييالار, ٸرٸ بيزنەس قارجىلاندىرادى.
«مىسالى ۆاكتسينانى الساق, Pfizer كومپانيياسى – مەملەكەتتٸك ۇيىم ەمەس. باسقا دا ۆاكتسينامەن اينالىسقان الپاۋىت كومپانييالار كٶبٸنەسە مەملەكەتتٸك ەمەس قاراجاتتى پايدالانادى. مەملەكەتتەر كٶبٸنەسە ٸرگەلٸ عىلىمي جوبالاردى عانا قارجىلاندىرادى. ٶيتكەنٸ ول زەرتتەۋلەردٸ كوممەرتسياليزاتسييالاۋ مٷمكٸندٸگٸ جوق. سوندىقتان ولار ولار مەملەكەتتٸڭ موينىنداعى پارىز بولىپ سانالادى», - دەپ تٷسٸندٸردٸ جاننا قۇرمانعاليەۆا.
