بەرگامو (يتالييا, لومباردييا) قالاسىنىڭ سولتٷستٸگٸندەگٸ Humanitas Gavazzeni اۋرۋحاناسىنىڭ دەرٸگەرٸ دانيەلە ماكيني Facebook-تەگٸ پاراقشاسىندا يتاليياداعى كوروناۆيرۋستىڭ ٶرشۋٸنە جەنە پروفيلاكتيكالىق نۇسقاۋعا نارازىلارعا قاتىستى جازبا جارييالادى.
يتاليياداعى Humanitas Gavazzeni اۋرۋحاناسىنىڭ دەرٸگەر-رەانيماتولوگى Daniele Macchini پاندەمييا جٶنٸندە, ٶز ەمحاناسىنداعى جاعداي تۋرالى پوست جازىپتى. قىتايلىق دەرٸگەرلەر شەكتەۋگە بايلانىستى ەپيدەمييا تۋرالى جارىتىپ ايتپاپ ەدٸ. يتاليان دەرٸگەرٸ بىلاي دەيدٸ:
"بولىپ جاتقان جاعداي تۋرالى جازۋ-جازباۋ تۋرالى ۇزاق ويلانىپ, ٷنسٸزدٸك تە جاۋاپكەرشٸلٸك ارتاتىنىن تٷسٸندٸم.
سوندىقتان بٸزدٸڭ نە ٸستەپ-نە قويىپ جٷرگەنٸمٸزدەن بەيحابار ادامدارعا بۇل كٷندەرٸ بەرگامودا Covid-19 ٸندەتٸمەن كٷرەستٸ قالاي جٷرگٸزٸپ جاتقانىمىزدى ايتقىم كەلەدٸ. جۇرتتى دٷرلٸكتٸرۋدٸڭ قاجەتٸ جوق ەكەنٸن جاقسى تٷسٸنەمٸن, الايدا بولىپ جاتقان جاعدايدىڭ قانشالىقتى قاۋٸپتٸ ەكەنٸن كەي ادامدار بٸلمەي قالا ما دەپ الاڭدايمىن.
ٶتكەن اپتادا جاۋىمىز ەلٸ قاراسىن كٶرسەتپەي تۇرعاندا اۋرۋحانامىزدى الدىن الا دايىندادىق. مٷمكٸندٸگٸنشە كٶپ پالاتا بوساتۋ, تٶسەك ورىن دايىنداۋ ٷشٸن ەمدەلۋشٸلەردٸ ٷيلەرٸنە قايتاردىق. تٸپٸ ينتەنسيۆ تەراپيياداعىلاردىڭ پالاتالارى دا بوساتىلدى.
ەلٸ باستالماعان سوعىستى كٷتكەن سەتتەگٸ اۋرۋحانا دەلٸزٸ سيۋررەاليستٸك كارتيناعا ۇقسايتىن ەدٸ. كٶپتەگەن مەديتسينا قىزمەتكەرلەرٸ (ونىڭ ٸشٸندە مەن دە بارمىن) سوعىس سونشالىق جاۋىزدىقپەن كەلەتٸنٸن بٸلمەپ ەدٸك.
بٸر اپتا بۇرىن تالداۋ نەتيجەسٸن كٷتكەنٸم ەسٸمدە. ول كەزدە ۆيرۋستى جۇقتىرعان بٸر ادامنىڭ بولۋىنىڭ ٶزٸ ادام سەنگٸسٸز, اقىلعا سىيمايتىن, بٸراق بۇل ويدىڭ ٶزٸ دەگبٸردٸ قاشىراتىن ەدٸ. قازٸرگٸ جاعداي تىم جىلدام شيەلەنٸسكەن دراماعا ۇقسايدى.
قازٸر سوعىس الاڭىندا جٷرمٸز. شايقاس كٷنٸ-تٷنٸ تولاستامايدى. تٶسەك-ورىن تاپشىلىعى قاتتى سەزٸلۋدە. بوساتىپ قويعان بٶلٸمشەلەر بٸرٸنەن سوڭ بٸرٸ لىق تولىپ جاتىر.
جاعدايلارىنىڭ اۋىرلىعىنا بايلانىستى ەسٸمدەرٸ ەرتٷرلٸ تٷسپەن جازىلعان تاقتايشالار قازٸر قىپ-قىزىل. كٶپشٸلٸگٸنٸڭ جاعدايى كٷرت قيىنداپ كەتتٸ: ەكٸجاقتى ينتەرستيتسيال پنەۆمونييا.
ەندٸ ماعان تٷسٸندٸرە قويىڭىزشى, تۇماۋدىڭ قاي تٷرٸ مۇنداي ەكپٸنمەن ادام ٶمٸرٸن جالماپ ەدٸ? ەپيدەمييالىق كاتاستروفا بولىپ جاتىر, ال ادامدار ۆيرۋستان قورقاتىن تٷگٸ جوق دەپ بٶسەدٸ, بۇرىنعى ٶمٸر سالتىنىڭ بۇزىلعانىنا رەنجيدٸ, قاۋٸپسٸزدٸك شارالارىنا نارازىلىق تانىتادى, قاراپايىم نۇسقاۋلىقتاردى ورىندامايدى.
دەل قازٸر ارامىزدا حيرۋرگ, ۋرولوگ, ورتوپەدتەر جوق. بەرٸمٸز مىنا سوعىستا كٷش بٸرٸكتٸرگەن بٸر كوماندامىز.
كٷندەلٸكتٸ 15-20 ادام ەكەلٸپ جاتىر. تالداۋ نەتيجەلەرٸ بٸرسارىندى: راستالدى, راستالدى, راستالدى. بەرٸنٸڭ سيمپتومدارى بٸردەي: دەنەسٸ قالشىلدايدى, قىزۋى كٶتەرٸلەدٸ, جٶتەل قىسادى, تىنىسى تارىلادى, ٶكپەسٸ اۋىرادى. رەنتگەن تٷسٸرٸلٸمدەرٸ دە بٸردەي: ەكٸ جاقتى ينتەرستيتسيال پنەۆمونييا. بارلىعى دا دەرەۋ گوسپيتاليزاتسييالانۋى كەرەك.
كەيبٸرٸ ينتۋباتسييادا, بٸرەۋلەردٸ بٸردەن رەانيماتسيياعا اپارامىز, ال ەندٸ بٸرەۋلەر ٷشٸن بەرٸ دە تىم كەش. تىنىس الدىراتىن اپپاراتتار كٷندٸز تٷنٸ توقتاماي جۇمىس ٸستەۋدە. تٸپتٸ وپەراتسييالىق زالدارداعى اپپاراتتار دا ٷزدٸكسٸز جۇمىس ٸستەۋدە. سەبەبٸ وپەراتسييالىق جايلاردىڭ ٶزٸ ينتەنسيۆ تەراپييا پالاتالارىنا اينالىپ كەتتٸ.
قىزمەتكەرلەر شارشاپ, قالجىراعان. بٸزدٸڭ جۇمىستا ەدەتتەگٸ اۋسىمنىڭ ٶزٸنەن ەل-دەرمەنٸڭ قۇرىپ, سٷيرەتٸلٸپ شىعاسىڭ. ال قازٸر بٸرنەشە تەۋلٸككە سوزىلعان مايداندا جان-جاعىمداعى ادامدار ماعان ٷمٸتپەن قاراپ, كٶمەك كٷتٸپ وتىرعاندا شارشاۋ دەگەنننٸڭ نە ەكەنٸن ەندٸ تٷسٸندٸم.
قىزمەتكەرلەر ٶزدەرٸنەن ەل كەتسە دە, بٸر بٸرٸنە كٶمەك بەرۋگە تىرىسادى. دەرٸگەرلەر مەدقىزمەتكەرلەر ورنىنا كاتالكامەن جٷگٸرٸپ جٷرەدٸ, مەدبيكەلەردٸڭ ورنىنا پروتسەدۋرالار جاسايدى. مەدبيكەلەردٸڭ كٶز جاسى تىيىلار ەمەس. ولار دەرٸگەرلەردٸڭ مۇنشا كٶپ ادامدى قۇتقارا الماسىن العاش رەت كٶرٸپ تۇر.
بٸزدە اۋىسىم, كەزەكشٸلٸك دەگەن جوق. بٷكٸل جەكە ٶمٸر توقتاپ قالعان. بٸز وتباسىمىزدى كٶرمەيمٸز, سەبەبٸ جۇقتىرىپ الامىز دەپ قورقامىز. پروتوكولدارعا قاراماستان, ارامىزداعى كەي قىزمەتكەرلەر ۆيرۋستى جۇقتىرىپ العان. قازٸر كەي ەرٸپتەستەرٸمٸز بٸرەۋدٸڭ ٶمٸرٸن ەمەس, ٶزدەرٸن قۇتقارۋ نەمەسە ٶزدەرٸ ۆيرۋس جۇقتىرعان تۋعان-تۋىستارىن قۇتقارۋ ٷشٸن كٷرەسٸپ جٷر.
سوندىقتان قازٸر ٸندەتكە تىم سالعىرت قارايتىندارعا نەمەسە قاۋٸپسٸزدٸك شارالارىنا نارازىلىق تانىتىپ وتىرعاندارعا ايتقىم كەلەدٸ: سەل شىدامدىلىق تانىتىڭىز - سٸز تەاترعا, مۋزەيگە نەمەسە سپورتزالعا بارا المايسىز. قورشاعان ادامدارعا, ەسٸرەسە اۋرۋعا قارسى تۇرۋعا دەرمەنسٸز ەگدە ادامدارعا جاناشىرلىقپەن قاراۋىڭىزدى ٶتٸنەمٸن. بٸز بار كٷشٸمٸزدٸ سالىپ قوعامعا پايدامىزدى تيگٸزۋگە تىرىسىپ جٷرمٸز, سٸز دە سەل دە بولسا پايداڭىزدى تيگٸزسەڭٸز".
قازاقشالاعان بەللا ورىنبەتوۆا
