ورتا سالماقتاعى WBC ەلەم چەمپيونىنىڭ "ۋاقىتشا" بەلبەۋٸنٸڭ يەگەرٸ دجەرمالل چارلو ٶزٸنٸڭ ديۆيزيونىندا بولىپ جاتقان جاعدايلارعا توقتالىپ, ەلٸ دە گەنناديي گولوۆكينمەن جۇدىرىقتاسقىسى كەلەتٸنٸن ايتتى.
ٶتكەن دەمالىستا جاپونييالىق بوكسشى ريوتا مۋراتا كٷتپەگەن جەردەن امەريكالىق قارسىلاسى روب برانتتان جەڭٸلٸپ, 2019 جىلدىڭ كٶكتەمٸندە توكيودا تابىستى جەكپە-جەك ٶتكٸزۋدٸ جوسپارلاپ وتىرعان گولوۆكيننٸڭ جوسپارىن بۇزدى, دەپ حابارلايدى Sputnik اگەنتتٸگٸ Sports.kz پورتالىنا سٸلتەمە جاساپ.
"روب برانت مۋراتانى توقتاتۋ ارقىلى كٶپ نەرسەنٸ شاتاستىرىپ جٸبەردٸ. بٸراق بەرٸبٸر گولوۆكين ەلٸ دە مەنٸڭ سالماق دەرەجەمدەگٸ كورول. سول سەبەپتٸ مەن ونىمەن جۇدىرىقتاسقىم كەلەدٸ", — دەدٸ دجەرمالل.
ەستەرٸڭٸزگە سالا كەتسەك, WBC ۇيىمى تيتۋلدىڭ قازٸرگٸ يەگەرٸ ساۋل الۆارەسپەن كٸم جەكپە-جەك ٶتكٸزەتٸنٸن انىقتاۋ ٷشٸن چارلو مەن گولوۆكيننٸڭ ٶزارا جۇدىرىقتاسۋى كەرەك دەپ شەشتٸ. امەريكالىق 22 جەلتوقسان كٷنٸ ٶزٸنٸڭ وتانداسى كٸشٸ ۆيللي مونرومەن جۇدىرىقتاسپاق.
