بوكستان ەلەم جەنە ازييا چەمپيونى تەمٸرتاس جٷسٸپوۆ تۇرمىستىق زورلىق-زومبىلىق جاسادى دەگەن كٷدٸككە ٸلٸندٸ. سپورتشىنىڭ جۇبايى اۋىر حالدە اۋرۋحاناعا جەتكٸزٸلگەننەن كەيٸن ونىڭ سٸڭلٸسٸ ەلەۋمەتتٸك جەلٸدە جازبا جارييالاپ, ەپكەسٸنٸڭ ۇزاق ۋاقىت بويى زورلىق-زومبىلىق كٶرگەنٸن مەلٸمدەدٸ, دەپ حابارلايدى ult.kz.
جەبٸرلەنۋشٸنٸڭ تۋىسىنىڭ ايتۋىنشا, وقيعا 29 ماۋسىمنان 30 ماۋسىمعا قاراعان تٷنٸ نەمەسە 1 شٸلدە كٷنٸ بولعان. ونىڭ سٶزٸنشە, ەيەل ادام كٷيەۋٸنەن اۋىر سوققى كٶرٸپ, ەس-تٷسسٸز كٷيدە اۋرۋحاناعا تٷسكەن.
«مەديتسينالىق قۇجاتتاردا اسفيكسييا, باستىڭ اشىق جاراقاتى, قۇرىسۋ جەنە باس ميىنىڭ ٸسٸنۋٸ كٶرسەتٸلگەن. ول اۋرۋحاناعا ەس-تٷسسٸز جەتكٸزٸلدٸ», – دەپ جازدى جەبٸرلەنۋشٸنٸڭ سٸڭلٸسٸ.
ول سونداي-اق تەرگەۋدٸڭ وبەكتيۆتٸ ٶتۋٸنە الاڭدايتىنىن ايتىپ, تەمٸرتاس جٷسٸپوۆ ۇستالعاننان كەيٸن شامامەن بەس ساعاتتان سوڭ بوساتىلعانىن مەلٸمدەدٸ.
جەبٸرلەنۋشٸنٸڭ تۋىسىنىڭ سٶزٸنشە, ادۆوكات العان جاراقاتتاردىڭ اۋىرلىعىن ەسكەرە وتىرىپ, بۇل وقيعاعا قۇقىقتىق تۇرعىدان ادام ٶلتٸرۋگە وقتالۋ بابى بويىنشا باعا بەرٸلۋٸ مٷمكٸن دەگەن پٸكٸر بٸلدٸرگەن.
سونىمەن قاتار ول بۇعان دەيٸن دە ەپكەسٸنٸڭ تۇرمىستىق زورلىق-زومبىلىققا ۇشىراعانىن ايتىپ, شامامەن بەس جىل بۇرىن تەمٸرتاس جٷسٸپوۆتٸڭ ەيەلٸن موينىنان قىسىپ تۇرعانىنا كۋە بولعانىن جەتكٸزدٸ. سونداي-اق سپورتشى بالالاردى پايدالانىپ, جۇبايىنا پسيحولوگييالىق قىسىم كٶرسەتكەنٸن العا تارتتى.
اقمولا وبلىسى پوليتسييا دەپارتامەنتٸ اتالعان وقيعاعا بايلانىستى قىلمىستىق ٸس قوزعالعانىن راستادى.
پوليتسييانىڭ مەلٸمەتٸنشە, 30 ماۋسىم كٷنٸ كٶكشەتاۋ قالاسىندا وتباسىلىق جانجال كەزٸندە ەر ادام جۇبايىنا دەنە جاراقاتىن سالعان.
«اتالعان دەرەك بويىنشا قىلمىستىق ٸس قوزعالدى. قازٸرگٸ ۋاقىتتا قاجەتتٸ تەرگەۋ امالدارى جٷرگٸزٸلٸپ جاتىر. ٸستٸڭ بارلىق مەن-جايى جان-جاقتى تەكسەرٸلٸپ, قورىتىندىسى بويىنشا قاتىسۋشىلاردىڭ ەرەكەتٸنە قۇقىقتىق باعا بەرٸلەدٸ», – دەپ مەلٸمدەدٸ ۆەدومستۆو.
