Bokstan álem jáne Aziia chempiony Temirtas Júsipov turmystyq zorlyq-zombylyq jasady degen kúdikke ilindi. Sportshynyń jubaiy aýyr halde aýrýhanaǵa jetkizilgennen keiin onyń sińlisi áleýmettik jelide jazba jariialap, ápkesiniń uzaq ýaqyt boiy zorlyq-zombylyq kórgenin málimdedi, dep habarlaidy ult.kz.
Jábirlenýshiniń týysynyń aitýynsha, oqiǵa 29 maýsymnan 30 maýsymǵa qaraǵan túni nemese 1 shilde kúni bolǵan. Onyń sózinshe, áiel adam kúieýinen aýyr soqqy kórip, es-tússiz kúide aýrýhanaǵa túsken.
«Meditsinalyq qujattarda asfiksiia, bastyń ashyq jaraqaty, qurysý jáne bas miynyń isinýi kórsetilgen. Ol aýrýhanaǵa es-tússiz jetkizildi», – dep jazdy jábirlenýshiniń sińlisi.
Ol sondai-aq tergeýdiń obektivti ótýine alańdaitynyn aityp, Temirtas Júsipov ustalǵannan keiin shamamen bes saǵattan soń bosatylǵanyn málimdedi.
Jábirlenýshiniń týysynyń sózinshe, advokat alǵan jaraqattardyń aýyrlyǵyn eskere otyryp, bul oqiǵaǵa quqyqtyq turǵydan adam óltirýge oqtalý baby boiynsha baǵa berilýi múmkin degen pikir bildirgen.
Sonymen qatar ol buǵan deiin de ápkesiniń turmystyq zorlyq-zombylyqqa ushyraǵanyn aityp, shamamen bes jyl buryn Temirtas Júsipovtiń áielin moinynan qysyp turǵanyna kýá bolǵanyn jetkizdi. Sondai-aq sportshy balalardy paidalanyp, jubaiyna psihologiialyq qysym kórsetkenin alǵa tartty.
Aqmola oblysy politsiia departamenti atalǵan oqiǵaǵa bailanysty qylmystyq is qozǵalǵanyn rastady.
Politsiianyń málimetinshe, 30 maýsym kúni Kókshetaý qalasynda otbasylyq janjal kezinde er adam jubaiyna dene jaraqatyn salǵan.
«Atalǵan derek boiynsha qylmystyq is qozǵaldy. Qazirgi ýaqytta qajetti tergeý amaldary júrgizilip jatyr. Istiń barlyq mán-jaiy jan-jaqty tekserilip, qorytyndysy boiynsha qatysýshylardyń áreketine quqyqtyq baǵa beriledi», – dep málimdedi vedomstvo.
