دەنساۋلىق ساقتاۋ مينيسترٸ الەكسەي تسوي كٶشەدە ماسكا تاعۋ حالىققا نەلٸكتەن مٸندەتتەلٸپ وتىرعانىن تٷسٸندٸردٸ, دەپ حابارلايدى قازاقپارات.
«قازٸرگٸ تاڭدا قازاقستاندا كوروناۆيرۋس ينفەكتسيياسىن جۇقتىرۋ جاعدايى تەۋلٸگٸنە 1500-1600 ادام دەڭگەيٸندە تۇراقتالىپ قالدى. مەسەلەن نۇر-سۇلتاندا جەدەل جەردەمگە جٷگٸنۋ 22 ماۋسىمنان 30 شٸلدە ارالىعىندا ٷشتەن ەكٸگە ازايدى. سونىمەن بٸرگە كوروناۆيرۋس ينفەكتسيياسى بويىنشا شاقىرتۋلار تەۋلٸگٸنە 500-دەن 86-عا دەيٸن تٶمەندەدٸ. سول سەكٸلدٸ جەدەل جەردەمدٸ شاقىرۋ جاعدايى 3 مىڭنان 1 مىڭعا دەيٸن تٷستٸ. ستاتسيونارلاردىڭ تولىمدىلىعى 96 پايىزدان 35,7 پايىزعا دەيٸن ازايدى», - دەدٸ الەكسەي تسوي وكق-دا ٶتكەن باسپاسٶز مەسليحاتىندا.
مينيستر سونىمەن قاتار شىمكەنت قالاسىندا دا جەدەل جەردەم قىزمەتٸن شاقىرۋ دەڭگەيٸ 43 پايىزعا كەمٸگەنٸن ايتىپ ٶتتٸ.
«بٷكٸل قازاقستان بويىنشا پروۆيزورلىق ستاتسيونارلار دا جابىلۋدا. بۇرىنعى, ياعني قالىپتى جۇمىس تەرتٸبٸنە ورالىپ جاتىر. ولار قازٸر رەزەرۆتە. تٶسەك ورىندارى بويىنشا قوسىمشا قاجەتتٸلٸك تۋىنداعان جاعدايدا ولار قوسىمشا جاساقتالادى», - دەدٸ ول.
الەكسەي تسوي كارانتين تاعى ەكٸ اپتاعا سوزىلاتىندىقتان بٷكٸل ەل بولىپ, كەسٸپ يەلەرٸ بولىپ قالىپتى ٶمٸرگە قايتۋ ٷشٸن دايىندىق جۇمىستارى جٷرگٸزٸلۋٸ كەرەكتٸگٸن جەتكٸزدٸ.
«دەنساۋلىق ساقتاۋ مينيسترلٸگٸ كوروناۆيرۋس ينفەكتسيياسىنىڭ تارالۋ قاۋپٸن ەسكەرتۋ ٷشٸن حالىقتىڭ كارانتين تالاپتارىن ساقتاۋىنا قاتىستى بٸرقاتار ۇيىمداستىرۋشىلىق جەنە قۇقىقتىق شارالار قابىلداندى. دەنساۋلىق ساقتاۋ مينيسترلٸگٸ جاۋاپتى ورگاندارمەن بٸرگە ازاماتتاردى كارانتين شارالارىن ساقتاماعان جاعدايدا ەكٸمشٸلٸك جاۋاپكەرشٸلٸككە تارتۋ تەرتٸبٸن بەكٸتتٸ. بۇل رەتتە ماسكانى تاعىپ جٷرۋ – كۆي-دٸ جۇقتىرۋ قاۋپٸن 30 پايىزعا ازايتادى. وسى جايدى ەسكەرە وتىرىپ, 2020 جىلدىڭ 30 شٸلدەسٸنەن باستاپ دەنساۋلىق ساقتاۋ مينيسترلٸگٸ بۇيرىق شىعاردى. وعان سەيكەس ازاماتتار قوعامدىق ورىندا, كٶشەدە ماسكا تاعىپ جٷرۋگە مٸندەتتەلەدٸ», - دەدٸ ول.
سونداي-اق الەكسەي تسوي بٷگٸنگٸ كٷنٸ اقش-تىڭ 43 شتاتىندا, پولشادا, اۆسترالييادا, سلوۆاكييا مەن ۆەتنامدا قوعامدىق ورىندا ماسكا تاعۋ مٸندەتتٸ ەكەندٸگٸن جەتكٸزدٸ.
ەسكە سالا كەتسەك, قازاقستاننىڭ مەملەكەتتٸك باس سانيتارلىق دەرٸگەرٸ ايجان ەسماعامبەتوۆانىڭ قاۋلىسى بويىنشا حالىققا قازاقستاندا كٶشەدە مٸندەتتٸ تٷردە ماسكا تاعىپ جٷرۋ مٸندەتتەلگەن بولاتىن.
