بٷگٸن ەۋرازييا دامۋ بانكٸ ەادب-عا قاتىسۋشى مەملەكەتتەر ەكونوميكاسىنىڭ 2021 جىلعى ٶسٸمٸنە ارنالعان بايانداماسىن تانىستىرادى, دەپ حابارلايدى Sputnik اگەنتتٸگٸ.
تەڭگە باعامى
بايانداماعا سەيكەس, ەادب-عا قاتىسۋشى مەملەكەتتەر ۆاليۋتالارىنىڭ دوللارعا قاتىستى باعامى 2021 جىلى تۇراقتالادى. بيىل تەڭگەنٸڭ دوللارعا شاققانداعى ورتاشا باعامى بٸر دوللار ٷشٸن 421,6 تەڭگە كٶلەمٸندە بولادى. سونداي-اق 2022 جىلدىڭ قورىتىندىسى بويىنشا بۇل كٶرسەتكٸش - 424,8 تەڭگە, 2023 جىلدىڭ قورىتىندىسى بويىنشا 430 تەڭگە شەگٸندە بولادى دەگەن بولجام بار.
ايتا كەتۋ كەرەك, قازاقستان ۇلتتىق بانكٸنٸڭ مەلٸمەتٸنە سەيكەس, 31 ناۋرىزدا دوللاردىڭ رەسمي باعامى بٸر دوللار ٷشٸن 424,34 تەڭگەنٸ قۇراپ وتىر.
جٸٶ قالاي ٶزگەرەدٸ?
ەادب اناليتيكتەرٸ ۇسىنعان اقپاراتقا سەيكەس, بۇل ەادب-عا قاتىسۋشى مەملەكەتتەردٸڭ ەكونوميكاسى قارقىندى تٷردە قالىپقا كەلەتٸن جىل بولادى. ەلەۋمەتتٸك وقشاۋلاۋ شارالارىن جەڭٸلدەتۋ جەنە سىرتقى جاعدايلاردى جاقسارتۋ تۇتىنۋشىلىق جەنە ينۆەستيتسييالىق سۇرانىستىڭ كٷشەيۋٸ كەزٸندە شەشۋشٸ فاكتورعا اينالادى.
"وسى جىلدىڭ قورىتىندىسى بويىنشا قازاقسان ەكونوميكاسى 4%-كە ٶسٸپ, 2021 جىلدىڭ اياعى مەن 2022 جىلدىڭ باسىنا قاراي داعدارىسقا دەيٸنگٸ دەڭگەيگە قول جەتكٸزەدٸ", - دەپ جازىلعان باياندامادا.
بولجامعا سەيكەس, 2022 جىلدىڭ قورىتىندىسى بويىنشا قازاقستان جٸٶ ٶسٸمٸ 4,5%-تٸ قۇراپ, 2023 جىلدىڭ قورىتىندىسى بويىنشا 5,1%-كە ارتادى.
ساراپشىلار تٷرلٸ سىن-تەۋەكەلدەر تۋىنداعان جاعدايدا دا 2021 جىلى ەادب-عا قاتىسۋشى ەلدەردٸڭ ەكونوميكاسى دامۋىن توقتاتپايدى, تەك قارقىنى بٸرشاما بەسەڭدەيدٸ دەپ بولجادى.
قازاقستان پرەمەر-مينيسترٸ اسقار مامين ٷكٸمەت 2021 جىلى اتقاراتىن جۇمىستاردىڭ باستى ماقساتى قازاقستان ەكونوميكاسىنىڭ ٶسٸمٸن 3%-كە جەتكٸزۋدٸ كٶزدەيتٸنٸن مەلٸمدەدٸ. وسى جىلدىڭ قاڭتارىندا جٸٶ ٶسٸمٸنٸڭ قارقىنى مينۋس 4,5%-تٸ قۇراپ, قاڭتار-اقپان ايلارىندا مينۋس 2,9%-كە جەتتٸ.
2020 جىلدىڭ قورىتىندىسى بويىنشا قازاقستاننىڭ جٸٶ 2,6%-كە تٶمەندەگەن. سالىستىرۋ ٷشٸن ايتساق, 2019 جىلى قازاقستان جٸٶ 4,5%-كە ٶستٸ.
ەادب – بۇل ۇيىمعا مٷشە مەملەكەتتەردٸڭ ەكونوميكالىق ٶسۋٸنە, ولاردىڭ اراسىنداعى ساۋدا-ەكونوميكالىق بايلانىستاردىڭ كەڭەيۋٸنە جەنە ەۋرازييالىق كەڭٸستٸكتەگٸ ينتەگراتسييالىق پروتسەستەردٸڭ دامۋىنا ىقپال ەتۋگە ارنالعان حالىقارالىق قارجى ۇيىمى. قازاقستان, رەسەي, ارمەنييا, تەجٸكستان, بەلارۋس جەنە قىرعىزستان – ەادب-عا مٷشە مەملەكەتتەر.
