فوتو: ٷكٸمەت
پرەمەر-مينيستردٸڭ ورىنباسارى قانات بوزىمباەۆ الماتى وبلىسىنا رەسمي جۇمىس ساپارى اياسىندا Alatau City مەگاجوباسىنىڭ تٶرت نەگٸزگٸ ايماعىندا – Gate, Golden, Growing جەنە Green اۋدانداردىڭ قۇرىلىسقا دايىندىق بارىسىن تەكسەرٸپ, بٸرقاتار تاپسىرما بەردٸ, دەپ حابارلايدى Ult.kz.
ٶنەركەسٸپتٸك-لوگيستيكالىق جەنە ٸسكەرلٸك ورتالىقتان باستاپ, عىلىمي-بٸلٸم بەرۋ مەن تۋريستٸك كلاستەرلەرگە دەيٸن ەر اۋداننىڭ ٶزٸندٸك باعىتى بار.
Gate District ٶتەگەن باتىر, پوكروۆكا, قويانقۇس, ىنتىماق جەنە جاڭالىق ەلدٸ مەكەندەرٸنٸڭ اراسىندا ورنالاسقان. مۇندا PepsiCo, Caspian Group, الماتى جەلدەتكٸش زاۋىتى سيياقتى ٸرٸ جوبالار جٷزەگە اسىرىلۋدا.
اۋداننىڭ باستى ورتالىعى – Iconic Building-1 حالىقارالىق بيزنەس دامىتۋ ورتالىعى بولماق. قانات بوزىمباەۆ ٶقم, وبلىس ەكٸمدٸگٸ جەنە ينۆەستورلارعا بۇل عيماراتتىڭ قۇرىلىسىن جەدەلدەتۋدٸ تاپسىردى. ونىڭ ايتۋىنشا, بۇل نىسان Alatau City جوباسىنىڭ رەسمي باستاماسىنىڭ سيمۆولىنا اينالماق.
Golden District كٸشٸ الماتى جەنە قاسكەلەڭ ٶزەندەرٸنٸڭ اراسىنداعى تاسجول بويىندا ورنالاسقان. بۇل ايماق عىلىم, بٸلٸم جەنە مەديتسينا ورتالىعى رەتٸندە دامىتىلماق. مۇندا: K-Park مەدەني-بيزنەس كەشەنٸ, حالىقارالىق بٸلٸم بەرۋ ورتالىعى, زاماناۋي اكادەمقالاشىق, كٶپسالالى مەديتسينالىق كلاستەر بوي كٶتەرەدٸ. سونىمەن قاتار Hyundai Green Food Almaty جەنە Mars سيياقتى ەلەمدٸك كومپانييالاردىڭ جوبالارىن جٷزەگە اسىرۋ جوسپارلانعان.
Growing District الماتى – قاپشاعاي اۆتوجولى بويىندا جەنە جەتٸگەن – قازىبەك تەمٸرجول جەلٸسٸنٸڭ ماڭىندا ورنالاسادى. بۇل ايماق ەكسپورتقا باعىتتالعان ٶندٸرٸستٸك جەنە لوگيستيكالىق ورتالىق رەتٸندە دامىتىلادى.
كٶلٸك دەلٸزدەرٸنٸڭ توعىسىندا ورنالاسۋى جەنە ەۋەجايعا جاقىندىعى ەكولوگييالىق تازا ٶندٸرٸستەردٸ دامىتۋعا ەرەكشە مٷمكٸندٸك بەرەدٸ.
فوتو: ٷكٸمەت
قانات بوزىمباەۆ بۇل جەردە حالىقارالىق Rhenus Logistics كومپانيياسىنىڭ باسشىلىعىمەن كەزدەسٸپ, الاتاۋدا كٶلٸك-ٶندٸرٸستٸك حاب قۇرۋداعى ىنتىماقتاستىق مەسەلەلەرٸن تالقىلادى.
اۋماعى 31 730 گەكتاردى قۇرايتىن Green District قاپشاعاي سۋ قويماسىمەن, قاسكەلەڭ ٶزەنٸمەن جەنە قوناەۆ قالاسىمەن شەكتەسەدٸ. مۇندا كۋرورتتىق ايماقتار مەن ساياباقتار سالىنىپ, بولاشاقتا فورمۋلا-1 جارىس تاسجولى, Iconic Building-2 تۋريستٸك ورتالىعى بوي كٶتەرەدٸ.
بۇل ايماق الماتى اگلومەراتسيياسىنىڭ باستى تۋريستٸك جەنە دەمالىس ورتالىعىنا اينالماق.
جۇمىس ساپارى بارىسىندا قانات بوزىمباەۆ مينيسترلٸكتەر ٶكٸلدەرٸ, ينۆەستورلار, بيزنەس قاۋىمداستىعى, حالىقارالىق ساراپشىلار جەنە پرەزيدەنتتٸڭ شتاتتان تىس كەڭەسشٸسٸ ۆونگ حەن فايننىڭ قاتىسۋىمەن جوبالىق وفيس وتىرىسىن ٶتكٸزدٸ.
جيىندا وتاندىق جەنە شەتەلدٸك ينۆەستيتسييالاردى قورعاۋ, كەلٸسٸمشارتتاردىڭ تۇراقتىلىعىن قامتاماسىز ەتۋ, قىتايدىڭ CRDI كومپانيياسىمەن بٸرلەسكەن كەڭەس بەرۋ تەتٸكتەرٸ, الاتاۋ قالاسىنىڭ دامۋ كەڭەسٸن قۇرۋ جەنە Alatau City Authority مەملەكەتتٸك قورىنىڭ جارعىسىن بەكٸتۋ سيياقتى مەسەلەلەر قارالدى.
سونىمەن بٸرگە مەملەكەت باسشىسىنىڭ الاتاۋ قالاسىن دامىتۋ جٶنٸندەگٸ جارلىعىنىڭ ورىندالۋ بارىسى جەنە «الاتاۋ قالاسىنىڭ ارنايى مەرتەبەسٸ تۋرالى» كونستيتۋتسييالىق زاڭ جوباسىنىڭ ورىندالۋ بارىسىن دا تالقىلادى.
كەزدەسۋ قورىتىندىسى بويىنشا قانات بوزىمباەۆ جاۋاپتى مەملەكەتتٸك ورگاندارعا الاتاۋ قالاسىن دامىتۋدا كەشەندٸ تەسٸل قولدانۋدى جەنە تيٸمدٸ ٷيلەستٸرۋدٸ قامتاماسىز ەتۋدٸ تاپسىردى.
